fbpx

【香港】大坑火龍文化館預計6月底開幕!舞火龍打卡+刺繡工作坊+客家菜餐廳!

6 月 17, 2022 | 灣仔 / 銅鑼灣 / 大坑, 香港, 玩樂

☉ 瀏覽次數 : 809

大坑火龍文化館預計6月底開幕啦!文化館早前舉行咗開幕典禮,場館將介紹接近140年歷史嘅大坑舞火龍習俗,仲設有模擬舞火龍嘅場景,手帕刺繡工作坊可以參加,仲有客家菜餐廳等等。

預計文化館於6月底開放,市民免費入場,而參加導賞活動則需提前預約。

大坑火龍文化館三層高,地下係展覽館,用作介紹舞火龍歷史、製作過程、同行走路線等等,亦有講解大坑客家村嘅演變,建築物活化嘅過程同經過。一樓則有客家菜餐廳,但因牌照問題暫時尚未開放。二樓係多用途空間,將有工作坊、展覽、講座等活動舉行。




大坑火龍文化館係發展局「活化歷史建築伙伴計劃」第四期項目,原本係晚清「孔聖義學」戰前建築物,喺日佔時期受到嚴重破壞,1949年喺原址重建,2010年獲古物諮詢委員會評為三級歷史建築。活化工程除咗保留原來建築特色外,外牆同奠基石碑、樓梯、原有嘅鐵窗框同窗花、部分木地板等都有保留。

大坑舞火龍習俗有接近140年歷史,被列入為第三批國家級非物質文化遺產名錄。每年中秋都會喺大坑大街上舞火龍。

 

地址:銅鑼灣大坑書館街12號

開放時間:逢星期一閉館

圖片及資料來源:大坑火龍文化館、發展局

*以上資訊只供參考,如有任何變化或更改均以現場情況或商戶決定為準*

Klook.com
X