壽司郎居酒屋杉玉SUGIDAMA首間海外分店將於8月3日登陸香港！「杉玉」同壽司郎一樣，帶嚟高水準日本料理同性價比高嘅創新居酒屋美食。

「杉玉」仲提供眾多日本酒，可根據喜好選擇酒嘅份量，所有日本酒半合（即90ml） 起供應。

新店以明亮燈飾作為設計主軸，仲有各式壁畫同特別裝飾滿足大家打卡慾！「杉玉」特地請咗兩位日本壁畫大師高橋先生同日隈先生，為「杉玉」香港1號店創作壁畫，有香港原素嘅「洋紫荊」、電車等等。

「杉玉」以黑醋同意大利香醋調配出原創配方壽司醋，增加飯粒嘅粘性，口感更粘糯綿軟，層次更豐富。更突出魚生嘅鮮味，同時平衡魚生嘅油脂感。必點壽司有渾身是膽三文魚子軍艦、魚子醬壽司、乾杯三文魚等等！

食物仲加入咗唔少玩味元素，香港限定菜式：霧鎖玉龍藏仙山同蒸鮟鱇魚肝拌關東煮蘿蔔，以點心蒸籠盛載和風食材。

杉玉薯仔沙律，模仿酒商店門前掛著嘅杉玉球。薯仔沙律混合了切碎嘅甜醋薑，撒上海苔粉同蝦乾包裹著薯仔沙律球，模，薯仔沙律再包著流心蛋。

「杉玉」香港1號店仲有開幕限定優惠，大吞拿魚三貫，只售 $36，數量有限，售完即止！仲未稱霸四海刺身盛，有吞拿魚赤身、漬鯖魚、油甘魚及鯛魚，以超抵價錢$76發售！

天婦羅盛合都係人氣之選，輕盈麵衣内有蝦、魷魚、茄子、蕃薯天婦羅，CP值極高的必點之選！香脆嘅池魚骨脆餅，好香脆，佐酒一流。

羅勒醬蒜香橄欖油煮魷魚番茄，魷魚同蕃茄盡吸羅勒同大蒜嘅精華，以橄欖油烹煮，加埋油拌麵，超鮮超香！

仲有特式飲品！宇治茶檸檬梳打酒等等！唔少得壽司郎必點甜品卡達拉娜！

日本酒由於產地氣候、水源同釀造過程唔同，每款日本酒嘅風味同香氣都各有不同，杉玉搜羅了超過20款日本酒。為咗俾顧客能一次過品嚐唔同口味嘅日本酒，特別推出「品酒序」，每月精心挑選三款日本酒俾客人以一個價錢淺嘗三款口味。特別推薦專為配搭壽司而釀製嘅「日高見 辛口本醸造 低温熟成」，淡麗辛口同魚嘅鮮味搭配天衣無縫。

壽司郎居酒屋　杉玉　SUGIDAMA

試業日期：8月3日 (星期三)
營業時間：15:00-21:30（LO21:00）(只提供晚市)

正式開幕日期：8月10日 (星期三)
營業時間：11:00-23:00(LO22:30) (提供午市及晚市)

接受「線上排隊」、「線上預約」、「Walk-in」
用餐時間：不多於100分鐘
地址：香港灣仔軒尼詩道256號The Hennessy地下B及C號舖

*以上資訊只供參考，如有任何變化或更改均以現場情況或商戶決定為準*