咖啡向來都係香港人熱愛嘅飲品之一！今次就介紹一間Cafe比身為咖啡愛好者嘅你啦~ 位於土瓜灣嘅Tanuki Coffee 可能大家都會聽過~ 原因相信大多數都係同店主之一嘅193 有關~ 但今次嘅重點唔係193！係咖啡！

Tanuki Coffee主打精品咖啡，仲會搵唔同本地咖啡豆烘焙店合作調配獨家House Blend及各式手沖咖啡豆！House Blend特別調配以突顯甜度為主果味較突出，而手沖咖啡會不定期更換季節性嘅咖啡豆，全部以新鮮烘焙及淺炒為主。

Tanuki Tasting Set（港幣$88）

為咗照顧一眾咖啡入門初心者，Cafe特意推出咗一個簡單易明嘅導賞體驗~ 店員會因應季節揀選當季嘅Coffee Tasting Set，而今季提供嘅3款咖啡豆就包括：埃塞俄比亞 Wush Wush，雲南 Catimor 以及哥倫比亞Castillo！托盤上亦會有3張卡介紹每杯咖啡嘅名同埋特性，店員亦好樂意講解~

黑糖檸檬咖啡 Kokuto Lemon Black（價錢$65）

Tanuki仲聯乘本地通力水品牌「閣樓釀造」推出清新咖啡特飲~ 用「閣樓釀造」嘅草本通力水加入沖繩黑糖同埋新鮮檸檬汁混合特選咖啡，好似飲緊有汽檸檬茶咁！

草本通力水濃縮咖啡 Herbal Espresso Tonic（港幣$65）

『閣樓釀造』草本通力水以本地龍膽草及港產香水檸檬為引，配上濃縮咖啡撞出清甜熱帶草本花香味~

挪威Brunost芝士拿鐵（港幣$68）

全港首創Brunost芝士拿鐵配芝味牛角酥窩夫

Cafe 仲係香港第一間用挪威品牌Tine Brunost芝士製作特色拿鐵！Brunost芝士做成奶蓋，以芝士甜香中和咖啡苦味

再配上signature Brunost芝士牛角酥窩夫超正呀！

三款足料厚多士爆焰Egg Sando

經典煙肉Egg Sando（港幣$85）

日式照燒牛肉Egg Sando（港幣$88）

小龍蝦沙律Egg Sando（港幣$98）

經過再三改良，全新版本嘅Egg Sando所用麵包較以前鬆軟可口，略帶微甜口味，配上日本新鮮直送雞蛋同埋經典煙肉／日式照燒牛肉／小龍蝦沙律。

 

Tanuki Coffee

營業時間：星期一至日上午11時至晚上7時

店舖地址：土瓜灣馬頭圍道63號啟岸地下18號地舖

 

*以上資訊只供參考，如有任何變化或更改均以現場情況或商戶決定為準*