fbpx

【香港】四個活化歷史建築方案公佈!景賢里化身中醫藥品茶場地!仲有白樓同芳園書室都列入名單!

6 月 24, 2022 | 香港, 熱話

☉ 瀏覽次數 : 419

發展局早前公布第六期活化歷史建築伙伴計劃選出嘅四個由非牟利機構提交嘅方案,包括活化大潭篤原水抽水站員工宿舍群、汀九白樓、半山景賢里同馬灣芳園書室。

大潭篤原水抽水站員工宿舍群將由護‧聯網慈善基金有限公司聯同海港學校基金會有限公司活化為「水圓地方」。設立一所以自然體驗為基礎嘅幼兒教育學校,提供教師培訓同課後自然體驗活動。項目亦會為公眾提供生態、保育、休閒同文化活動,以提高大眾對環境可持續發展嘅認識。仲會設立名為「Water Gallery」嘅展覽區,展示呢項法定古蹟嘅歷史價值同香港嘅供水歷史。




白樓將由國史教育(香港)有限公司活化成為「國史教育中心悠悠館」。將設立一所學習中心,將中國文化同歷史研究融入環境教育,透過展覽、導賞團、講座同工作坊等,讓社會大眾加深對環境、歷史同文化嘅認識,從中了解香港歷史。館內仲設有特色餐廳,提供印度同中國美食,活現白樓與律敦治家族嘅背景及文化。

景賢里將由天大研究院,聯同國際普洱茶協會有限公司同中醫藥(全球)促進會有限公司,活化為「景賢里‧養生殿-基於普洱茶、中醫藥」,透過加深社會大眾對普洱茶、中醫藥同藥材嘅認識,推廣整體健康。項目亦會提供課程、身心靈活動、嚐茶同餐飲服務,提高維持可持續健康嘅意識。

芳園書室則將由香港基督少年軍活化為「創學芳園」。透過加入創科元素,提供歷史、文化及生態環境等活動,吸引不同的年齡群組參與,貫徹芳園書室的教育使命。項目亦會舉辦導賞團,連結馬灣島上其他歷史文化古蹟及自然環境。

四項活化落成啓用後,將向公眾開放大部分歷史建築內嘅範圍,亦會舉辦免費導賞團同開放日,令市民可以有更多機會親身觀賞歷史建築同享用內裏設施 。

*以上資訊只供參考,如有任何變化或更改均以現場情況或商戶決定為準*

Klook.com
X