嘉道理農場展出蝴蝶風鈴裝置，以「蟲媒花」同「蝴蝶風鈴」為主題，糅合咗視覺、聽覺、嗅覺等嘅感官元素，配合嘉道理園蘭花谷嘅自然環境，結合環境、聲音、畫面。現場掛上超過60個繪畫咗香港唔同蝴蝶品種嘅風鈴，展示出蝴蝶嘅獨特模樣同姿態，以織繩、園內木枝同種子等自然環保素材製成「蝴蝶風鈴」。

風鈴隨天氣、風力、周遭環境可以變化出唔同嘅視覺同聲效，比喻大自然無窮變幻。部分風鈴、繩索、木枝、吊飾都係循環再用嘅二手物，由藝術家將日常收集所得嘅廢棄玻璃樽、嘉道理園區內拾獲嘅自然素材加以利用，創作出能敲出清脆風鈴聲響嘅藝術裝置，鼓勵大家奉行綠色生活，嘗試舊物重用、再造。

蝴蝶．蘭的自然絮語
時期：23.9– 11.11.2022
地點：嘉道理農場暨植物園 蘭花谷 白理桃蘭花保育園

*以上資訊只供參考，如有任何變化或更改均以現場情況或商戶決定為準*