fbpx

【香港】召集所有腸粉控!全港腸粉大集合 由傳統到特色都有!

5 月 11, 2022 | 香港, 美食

☉ 瀏覽次數 : 1211

滑嘟嘟嘅腸粉真係「百食不厭」~
無論係大人定小朋友都一樣咁鍾意食!
今次小編精心挑選咗六間食店,由傳統腸粉到充滿特色嘅都有齊!
抵食又好味!但求可以一次過滿足哂所有腸粉控
(排名不分先後~~)

===========================================

腸粉皇 – 豬腸粉
第一間要介紹嘅,當然係又白又滑嘅豬腸粉!
一碟碟新鮮嘅腸粉,價錢親民又飽肚~
落埋豉油、甜醬、花生醬、芝麻等,如果你識食更加要叫「多醬」呀!
想再豐富啲可以加配魚蛋、燒賣等,
唔知你嘅童年回憶係咪返哂嚟呢~?

INFO.
地址:灣仔灣仔道177-179號保和大廈地下D舖

===============

發記腸粉粥品 – 蝦米腸
嚟元朗發記唔一定淨係食粥嘅~
叫埋蝦米腸先至夠滿足!
腸粉皮夠滑身~
裡面仲落咗好多蝦米同蔥❤!夠哂足料!
落埋豉油食真係一流!

INFO.
地址:元朗建業街67號




===============

自家製 – 蛋肉碎腸粉
腸粉+蛋仲未夠?加埋肉碎都仲得!
呢間小店一向都深受街坊歡迎~
不過原因唔止係因為腸粉即叫即製、石磨製成咁簡單~
佢地嘅腸粉款式亦好創新!
腸粉本身已經充滿米香味~
加入埋蛋同肉碎,口感更加豐富!好食!

INFO.
地址:青衣擔桿山路6號長發廣場地下青衣市場CF3號舖

===============

華輝小食 – 手撕雞腸粉
食腸粉唔一定配魚蛋燒賣,仲可以配手撕雞㗎!
呢間小店嘅手撕雞腸粉一向都好有名氣!
佢地嘅腸粉分做七種辣度,由原味至七級辣~
而最特別嘅係佢地堅持自家石磨芝麻醬~
一打開陣陣芝麻香味~
食落腸粉好有溫度,手撕雞亦好嫩滑~
一次過滿足哂你兩個願望!

INFO.

地址:大圍積福街積壽里4D號地舖

===============

富粥 – 皺皮腸粉
喺香港都食到皺皮腸粉!呢間仲係即叫即蒸!
膠粉超滑,而且勁足料~
腸粉控必定要試!
重點係佢個醬汁!勁香口惹味,正!

INFO.
地址:土瓜灣鶴齡街1A號地舖

===============

正 麻辣·茶·雲吞 – 川煎麻辣腸粉
想再食得惹味啲?
咁就要嚟試吓麻辣口味嘅腸粉!
腸粉煎得好平均~
而且件件都係金黃色!
除咗食到腸粉嘅米香之外,仲充滿麻辣醬嘅味道~
味蕾好刺激呀!

INFO.
地址:長沙灣昌華街38號麗寶花園地下5號舖

*以上資訊只供參考,如有任何變化或更改均以現場情況或商戶決定為準*

Klook.com
X