fbpx

【香港】千年一遇血月月全食+月掩天王星!全港多區都睇到!

10 月 24, 2022 | 香港, 熱話

☉ 瀏覽次數 : 4245

血月月全食將喺11月8日喺香港上空出現,全港多區都可以觀賞得到!屆時月球將會呈現罕見嘅銅紅色,歷時約一個半小時,月食發生時仲會有另一天文現象「月掩天王星」同時出現!

月全食將喺11月8日發生,當日月球會喺下午5時37分東升,月食晚上6時16分正式開始,月球完全進入地球本影,隨後月偏食會於8時49分完結,全程歷時1小時26分鐘,下一次喺香港可見嘅月全食要等到2025年9月8日。至於下一次香港可見月食係發生於2023年5月5日嘅半影月食。

另一天文現象「月掩天王星」將與月食同時發生,一般要喺明亮月球嘅旁邊並唔容易看到暗淡嘅天王星,喺月食發生時,月球亮度大幅下降,大家就可以透過望遠鏡見到月球同天王星雙雙出現,而今次月全食與「月掩天王星」同時發生,屆時銅紅色嘅月球將會掩蓋天王星。




由月出到月食既期間,月球處於東北偏東近水平位置,需要去到視野廣闊嘅地方,可以喺中西區海濱長廊、尖沙咀星光大道同白石角海濱長廊等進行觀測。隨着天色漸暗,月球位置漸高,只要天氣良好,喺晚上約7時全港各區都可以睇到月食。至於天王星,由於亮度接近人眼觀測嘅極限,因此必須借助望遠鏡先可以有效觀測得到。從地面上觀測,天王星會從月球下方進入,然後在月球嘅右方出來。

香港太空館將會安排兩場直播活動,除會即場直播天象外,仲會預告同分析月全食暨月掩天王星可觀之處,並提供觀測貼士。

網上直播
主題:月亮會變形?
日期:5.11.2022(星期六)
時間:下午3:00 – 4:00

主題:月全食暨月掩天王星
日期:8.11.2022(星期二)
時間:下午6:00 – 晚上9:00

講者:陳俊霖(香港太空館助理館長)、張頴珊(香港太空館助理館長)

 

*以上資訊只供參考,如有任何變化或更改均以現場情況或商戶決定為準*

Klook.com
X