好多香港人都鍾意喺冬天食煲仔飯，而擁有超過三十年歷史嘅「四季煲仔飯」可以話喺香港廟街煲仔飯嘅始祖，以炭燒煲仔飯聞名，好多本地人同外國遊客都專程去食，晚晚都大排長龍！

https://www.instagram.com/p/B-MKrocnxfP/

「四季煲仔飯」提供多達四十幾種口味嘅煲仔飯畀食客選擇，唔少網友都推薦「臘腸滑雞煲仔飯」同埋「白鱔滑雞煲仔飯」，大讚又香又好食，配埋甜豉油，簡直係完美嘅配搭！另外，「鴨蛋蠔餅」亦係必食之選，份量夠大夠抵食，而且蠔仔粒粒飽滿鮮甜，蠔餅口感香脆，大家一定要去試吓！

https://www.instagram.com/p/B9RXS4fJwbp/

好食嘅煲仔飯最重要係有炭香同埋焦香味，飯焦更加係煲仔飯唔可以缺少嘅重點！「四季煲仔飯」嘅飯食落有咬口，而且飯粒分明，完全係正宗港式煲仔飯嘅味道，唔掛得長期都咁多人排隊。

https://www.instagram.com/p/B7Te7S2pN4k/

除咗食物味道好，其實「四季煲仔飯」飯店環境亦有濃濃香港風味，有別於高樓大廈入面嘅餐廳，廟街嘅「街邊檔」更有舊香港風情，你可以體驗到舊年代香港嘅飲食文化，從而認識香港歷史，絕對值得一去！

https://www.instagram.com/p/B8lwcoglcA_/

四季煲仔飯
地址︰油麻地鴉打街46-58號

*以上資訊只供參考，如有任何變化或更改均以現場情況或商戶決定為準*