香港迪士尼樂園公佈2023 年一連串新項目！而1923年創立嘅華特迪士尼公司亦邁向100 周年，將陸續呈獻「奇妙一百年」多個精彩慶祝活動，仲有全球首個《魔雪奇緣》主題園區魔雪奇緣世界，將喺2023年下半年登場！仲有全新華特•迪士尼同米奇老鼠銅像亦會喺樂園亮相！

一眾迪士尼朋友，包括：米奇老鼠、米妮老鼠、唐老鴨、黛絲、 高飛、布魯托、鋼牙奇奇同大鼻帝帝都會以全新「奇妙一百年」主題服飾亮相，而華特•迪士尼創作嘅幸運兔奧斯華亦會首次現身香港迪士尼樂園！

香港迪士尼商店將會推出一系列「奇妙一百年」主題商品。而華特•迪士尼同米奇老鼠嘅銅像亦即將於樂園登場。

喺美國加州舉行嘅D23博覽會剛宣布咗以華特迪士尼動畫工作室大熱電影為靈感嘅全新《魔雪奇緣》主題園區 – 魔雪奇緣世界將於2023年下半年喺香港迪士尼樂園登場，賓客將置身於《魔雪奇緣》場景中，喺阿德爾王國遊歷各個電影中嘅景點、仲有耳熟能詳嘅音樂同品嚐主題美食，感受阿德爾傳統氣息。

全新魔雪奇緣世界設有兩項遊樂設施，有全球首個以《魔雪奇緣》為主題嘅過山車 –「雪嶺滑雪橇」，喺雪人小白同馴鹿斯特嘅推動下，乘坐由奧肯設計同打造嘅雪橇穿越阿德爾王國森林峽灣欣賞自然美景。仲有遊樂設施「魔雪奇幻之旅」，乘坐小船發掘「夏雪節」樂趣，一睹愛莎女王嘅冰雪皇宮同見到來自《魔雪奇緣》嘅朋友。

Duffy與好友主題嘅全新娛樂體驗將於春日喺廣場匯登場，賓客可以置身喺Duffy與好友嘅友情世界。而Marvel粉絲亦可於5月加入英雄行列，同一眾超級英雄齊齊出動！炎炎夏日，迪士尼彼思好友會同賓客大玩水花。想同迪士尼惡人盡情惡起來嘅粉絲，就唔可以錯過萬聖節盛會！

*以上資訊只供參考，如有任何變化或更改均以現場情況或商戶決定為準*