灣仔最近有間cafe新開，除咗有咖啡飲之外，仲可以即場揀咖啡生豆，即場幫你焙煎埋！

咖啡生豆有超過20個國家出產嘅咖啡豆，店內合共有由日本進口嘅65款咖啡生豆。

由日本團隊J.C.Q.A. 認可鑑定士 (J.C.Q.A Certified Master in Coffee) 同CQI (Coffee Quality Institute) 認可之2位Q-grader (Arabica)分別鑑定進口香港嘅生豆！

生豆均利用精密儀器、專業知識、杯測嚟分辨生豆質素，保證每一粒咖啡生豆都有優良水平。

喺店內選購咖啡生豆，仲可以觀看即時焙煎嘅狀況，過程自動化嘅焙煎購物體驗，係全新嘅Bean to Cup Coffee概念！

一般咖啡焙煎以大批量為生產目標，成個麻包袋嘅份量去焙煎。野田珈琲引入精品量產焙煎機，每次焙煎量為300g！

焙煎前人手挑走咖啡瑕疵生豆，確保咖啡唔會有苦澀、酸臭、腐敗發霉等瑕疵味道。

新鮮焙煎後嘅咖啡豆需要排氣，最佳飲用日期為焙煎日起計3日後，建議於一個月內享用焙煎後嘅咖啡！

店內仲有出售來自日本最大金屬餐具生產地「新潟燕三 」嘅KOGU珈琲考具。

麝香貓咖啡一直都被視為稀有又矜貴嘅咖啡，店內呢款由日本入口嘅冷泡麝香貓咖啡取得清真Halal認證同日本認可證書。售價$380/600ml

咖啡生豆都係由日本團隊採購，包括山區小農種植、合作社、農園等供應，有雨林認證、JAS有機認證等來源全部均能追蹤。

店內仲有唔少甜品，小編推介巴斯克蛋糕同焙茶麻糬蛋糕。

野田珈琲生豆專門店 + 焙煎
地址：灣仔軒尼斯道314-324號地下B店

*以上資訊只供參考，如有任何變化或更改均以現場情況或商戶決定為準*