作為土身土長嘅香港人，蛋撻可以話係我由細食到大嘅小食！因為飽肚、價錢平而且好好味，不時都會買嚟當早餐、茶點。其實蛋撻係一種以蛋漿做成餡料嘅西式餡餅，做法係將餅皮放入小圓盆狀嘅餅模中，再倒入由砂糖、鮮奶同埋雞蛋混合而成嘅蛋漿，放入焗爐製作而成，香港一般麵包店或者部分冰室都可以食到！

https://www.instagram.com/p/BiOPo7nlQVN/

而今次我要介紹嘅就係創立於1954年嘅「泰昌餅家」，佢哋係香港首創曲奇蛋撻同埋經典美食沙翁嘅餅店，有多年歷史而且非常出名！

https://www.instagram.com/p/Bs4NPNQHGr6/

就連香港前港督彭定康勳爵都好鍾意食泰昌餅家嘅出爐蛋撻，當年香港主權移交前更多次親自前往品嘗，仲稱之為「世界上最好味嘅蛋撻」，獲得咁高嘅美譽，令到餅店當時大受歡迎！

https://www.instagram.com/p/BoBBp3ghhdB/

泰昌餅家嘅分店有好多，當中包括︰中環、尖沙咀、灣仔等等市中心，全部都交通方便又易搵！佢哋出品嘅蛋撻撻皮酥鬆，口感極佳，配上濃郁蛋奶香嘅內餡，真係好值得一試，特別係新鮮出爐嘅蛋撻，輕搖內餡仲會好似布丁咁晃來晃去，又滑又好食！

https://www.instagram.com/p/BmyGcs9HFNY/

現時香港蛋撻分為酥皮，曲奇皮兩款，前者更香更酥鬆，後者就保留傳統風味，各有各特色！香港政府仲喺2014年6月將蛋撻列入香港首份非物質文化遺產清單，咁有特色嘅美食，嚟香港旅遊時一定要食返個！

*以上資訊只供參考，如有任何變化或更改均以現場情況或商戶決定為準*