fbpx

【香港】兔年運程攻略2023!十二生肖整體健康運/化解方法!

1 月 20, 2023 | 香港, 熱話

☉ 瀏覽次數 : 39

生肖:兔

屬兔嘅人士注意喇~踏入本命年感情運變化多端,情侶或夫妻之間容易產生拗撬,建議花多啲時間溝通同陪伴喺伴侶身上。至於事業運如果今年打算轉工跳槽,必須多加注意,避免出現唔到岸嘅情況。健康運就相對較差,有機會影響睡眠質素;財運方面就走勢起伏較大,不妨以喜事相沖令財運較為平穩。

生肖:龍

屬龍嘅你今年都係犯太歲,事業運今年就麻麻哋,職場上容易出現得罪同事。至於愛情運方面,如果係女士嚟講就比較有利,容易遇上適合嘅伴侶;健康運可能會出現牙痛、神經痛或者腸胃炎等,建議大家做多啲運動、注意飲食。

生肖:蛇

屬蛇嘅朋友仔今年姻緣運就麻麻哋,如果真係想出pool嘅話,就要借助身邊嘅長輩、朋友介紹,財運方面俾上一年好,但需注意切勿做高風險投資,健康運都係比較差,個人心情容易低落,建議大家多啲接觸大自然或者做瑜伽減壓。

生肖:馬


sponsor
sponsor

屬馬嘅人士今年桃花爆旺,同時亦因為破太歲關係容易同另一半爭執,健康運就比較差啲,建議可以洗牙或捐血擋災,事業運就過於鋒芒畢露,容易招來口舌之爭,建議大家都係待人處事低調。

生肖:羊

屬羊嘅你今年事業發展非常順利,工作發展有升遷機會,愛情運可以主動出擊,追求自己心儀嘅對象,健康運就需注意水上活動,容易發生意外。

生肖:猴

屬猴嘅人士今年運勢上發展比較平穩,不過缺乏財星、桃花星,建議多花心力喺工作上,由於工作應酬較多,需注意飲食同休息多啲。

生肖:雞

屬雞人士事業運今年比較波動,會想擁有自己事業,不過命犯太歲,都係建議諗清楚先好行動,健康運受金木相剋影響,今年會有比較多意外受傷機會;桃花運都係霧水情緣偏多,注意選擇伴侶。

生肖:狗

屬狗人士今年屬於太歲相合之年,愛情運方面如果伴侶人士有機會結婚添丁置業等喜事,要注意家宅備受衝擊,工作方面容易遇上波折,建議屬狗人士需調節心態,以平常心面對,同時需做好健康管理。

生肖:豬

屬豬人士與流年太歲屬半合,做起嘢上嚟會比較得心應手,即使虎年曾經歷重大變動,兔年將會重新開始,社交運多姿多彩、人緣十分暢旺,不過要注意有小人是非;新一年感情運會比較平穩,建議屬豬人士應該保持低調不應多加意見,需注意飲食過量導致腸胃不適或體重過渡上升。

生肖:鼠

屬鼠人士今年流年太歲唔算友好,財運方面有吉星加持,為運勢增添財力;今年有長輩運,工作表現出色受上司讚賞,不過喺12生肖當中,桃花運係最旺嘅一位,同時都會無故招惹是非,會有較多交際應酬開支,需謹慎理財,健康運方面今年容易有小毛病,女士就需注意婦科問題。

生肖:牛

屬牛人士今年需特別注意喇,欠缺吉星,需要樣樣嘢都靠自己,兔年如果想改變形象就需要特別小心喇~避免因為接受唔到人地意見而導致關係破裂,至於財運同事業運方面就開始有起色喇,建議出遊時需注意目的地天氣、水土不服等情況。


生肖:虎

屬虎人士新一年將重新開始,健康運注意有瑣碎毛病,容易有失眠問題,需注意個人心態,建議新一年多花時間關心長輩,主動作出變化則可望提升家宅運勢。

*以上資訊只供參考,如有任何變化或更改均以現場情況或商戶決定為準*

Klook.com
X