fbpx

【香港】兔年要有「幸運兔」陪伴!迪士尼新推「Disney nuiMOs」奧斯華!

1 月 3, 2023 | 香港, 熱話

☉ 瀏覽次數 : 327

兔年就快到!迪士尼話為經典角色奧斯華推出「Disney nuiMOs」公仔!

奧斯華係迪士尼喺1920年代創作嘅卡通人物,比米奇老鼠更加歷史久遠!

由華特.迪士尼同動畫家Ub Iwerks 創出嘅幸運兔奧斯華,第一套動畫「Trolley Troubles」喺1927年9月5日喺戲院上映,很快受到大家歡迎同喜愛,獲得好評!

奧斯華仲係迪士尼第一個發展周邊商品嘅卡通人物,出產咗蠟紙模板組件、朱古力棒及胸章等等。




但後來,發行人Charles Mintz低價奪取咗奧斯華版權,米奇老鼠之後先被催生。後來Charles Mintz開設自己嘅製片廠,由George Winkler同以前嘅迪士尼動畫家製作新嘅奧斯華卡通,但其後同另一合伙人產生分歧同紛爭,Charles Mintz嘅合約被合伙人中止,奧斯華卡通交由環球影業接手製作。

後來,華特迪士尼動畫工作室旗下嘅美國廣播公司,喺廣播員Al Michaels嘅NBC環球交易上,NBC環球向迪士尼公司提供嘅交易清單就包含咗幸運兔奧斯華版權,於是迪士尼取回咗失去許久嘅幸運兔奧斯華!

奧斯華造型與早期嘅米奇老鼠相當類似,除咗臉部同身上的衣物外皆為黑色。個性較米奇淘氣同火爆。

適逢今年兔年!相信幸運兔奧斯華將有唔少全新產品推出!「Disney nuiMOs」呢款公仔粉絲們可以先入手!!

來源 : Disney Magical Kingdom Blog

*以上資訊只供參考,如有任何變化或更改均以現場情況或商戶決定為準*

Klook.com
X