元朗一向多嘢食，今次介紹一間人氣海南雞~ 雞嫩皮滑之餘，份量充足！再配上小食同無味精靚湯~ 食得好滿足！

推介試下海南雞兩人餐，都只係$168，包招牌無骨海南雞半隻，新鮮靚湯，小食，米飯，仲送凍飲！認真豐富。

海南雞滑嫩，雞味都香濃~ 餐廳係採用自家農場嘅雞，栗米餵飼，無激素。食得都好安心。

海南雞半隻兩個人好充足，配雞油黃薑飯好香口。

小食有6款可以揀，口水雞醬拍青瓜，瓣醬豆腐，黑椒雞扒，香茅豬扒，蜜糖雞翼，蜜糖雞球。推介瓣醬豆腐，豆腐炸得香脆，入面仲保持水分，配上豆瓣醬都幾惹味。

套餐仲有湯飲，好大一碗，無味精，飲落鮮甜。

凱悅海南雞專門店 
地址：元朗教育路130號安樂樓地舖

圖片來源：@little_mushroom_foodhunter

*以上資訊只供參考，如有任何變化或更改均以現場情況或商戶決定為準*