fbpx

【香港】中環5米高大紅花牌打卡!本地傳統老字號大笪地+市集!

1 月 13, 2023 | 中環 / 上環 / 西環, 香港, 玩樂

☉ 瀏覽次數 : 241

充滿喜慶氣氛嘅港式大紅花牌,一紅一綠配搭印證舊香港輝煌繁華。隨著時代變遷,19世紀出現喺港島嘅綠色排檔,全港碩果僅存2,700個;而有著濃厚歷史文化價值,被納入香港非物質文化遺產清單嘅大紅花牌,現時亦只餘下寥寥可數花牌公司從事製作。

乘著農曆新年喜氣洋洋嘅節日氣氛,中環街市將喺新春期間以充滿濃厚本土情懷嘅綠色排檔同璀璨大紅花牌重新佈置。於1月7日至31日期間,重現「港式懷舊排檔」,現場設有6個懷舊綠色鐵皮排檔,由多個本地老字號品牌及社企進駐,主打一系列新春限定賀年產品!

在1月7日至2月5日期間,更會喺中庭矗立一面5米高以竹製棚架建造嘅傳統大紅花牌,加上LED燈泡裝飾。大紅花牌由在從事花牌製作近三十年嘅榮基花牌製作,寓意兔年花開富貴好運來。花牌兩側以竹條築成3米闊乘2米高嘅「竹福牆」,現場有雕花祈願木牌,寫上願望後可掛上祈求心願成真,限量1,000個,名額有限,先到先得。

喺OASIS上空更會高掛多達450個象徵著團圓意義嘅傳統燈籠,與花牌互相輝映。中環街市唔同角落亦會佈滿小型節日花牌同揮春等賀年裝飾!

指定日子,場內更有飛機欖、大白兔奶糖、糖蔥餅、茶粿等懷舊小食派發,回味舊日文化之餘,亦可一嚐日漸式微嘅小食。。


sponsor
sponsor

於1月9至13日及1月16至21日期間,一樓將會舉辦大笪地市集,匯聚超過30個攤檔,售賣逾百款懷舊特色精品同賀年產品,如新年裝飾、日本手繪藝術品、本土設計賀年禮品、舊硬幣銀飾等,回味50、60年代懷舊攤檔風采!

新春期間,懷舊玩具店雅俗共想亦會進駐中環街市開設期間限定店!展示出多種中古玩具,店內亦有不少舊時雜物、古董、雜誌及海報等。!

每逢周末,中環街市特別安農曆新年特色表演「歌舞賀新歲 」!場內更有不同表演,包括傳統中國功夫、詠春、雜耍、中國風爵士舞等。

亦為一眾家長同小朋友帶來多個工作坊,例如:香港插畫師協會插畫師分享繪畫心得同迷你花牌工作坊等!

中環街市一樓亦化身成年宵花市,匯聚多款特色年花即場發售,包括:小型黃金果新年擺設、水仙花、富貴竹、龍爪竹,以及各種開運鮮花如百合、串串金等應有盡有。

香港插畫師協會「中環街市及香港過年文化」同場亦有原稿畫展同創意市集!

創意市集會喺1月7日至8日同1月14日至15日連續兩個週末於一樓舉行。

港式懷舊排檔
日期: 2023年1月7至31日
時間: 下午12時至7時
地點: 中環街市地下OASI

大笪地市集
日期: 2023年1月9至13日、16至21日
時間: 下午12時至7時
地點: 中環街市一樓活動場地

年宵花市
日期: 2023年1月7至21日
時間: 下午12時至7時
地點: 中環街市一樓Inno Expo

香港插畫師協會創意市集
日期: 2023年1月7至8日、14至15日
時間: 下午12時至7時
地點: 中環街市一樓活動場地

*以上資訊只供參考,如有任何變化或更改均以現場情況或商戶決定為準*

Klook.com
X