fbpx

【香港】中環激抵日本岡山生蠔放題!必食刺身生蠔+鐵板烤蠔+串燒!

10 月 21, 2022 | 中環 / 上環 / 西環, 香港, 美食

☉ 瀏覽次數 : 2246

來自日本北木島嘅喜多嬉牡蠣進軍香港啦!喺中環開設咗第一間居酒屋北木島喜多嬉牡蠣屋!

北木島喜多嬉牡蠣養殖場歷史悠久,62年來盛產高品質生蠔,至今由第三代繼承人延續,首次嚟香港開設居酒屋,以岡山縣牡蠣輸出協會香港代表嘅身份,提供來自岡山縣嘅新鮮生蠔。仲邀請日本學藝多年嘅主廚為炮製各式各樣嘅牡蠣料理、串燒以及精品飯麵!喜多嬉牡蠣來自於具有世界自然遺產之稱嘅岡山縣笠岡諸島之北木島。被日本多家米芝蓮級餐廳選用嘅喜多嬉牡蠣,仲獲得 2022 年度OMOTENASHI SELECTION大獎。「喜多嬉」取自「北木」的日文發音「KITA」、北木島牡蠣寓意象徵帶俾人們「多一喜悅,多一些福氣」,因此得名喜多嬉,喺日本係高檔婚宴必備佳餚。

新張開業期間,惠顧 60 分鐘或 90 分鐘放題,即享日本直送帆立貝任食優惠,仲可以參與「自製特色打卡蠔殼」活動!隨心喺蠔殼內畫上花紋簽名,掛喺店門外嘅繩網上打卡,參加活動嘅朋友仲可額外獲得 30 分鐘用餐時間!




惠顧放題顧客都可享有頭盤喜多嬉九品,菜式會因應時節改變,務求為大家送上時令新鮮食品。

首季都有唔少驚喜,牡蠣茶漬飯以牡蠣高湯炮製,濃郁精華包裹每粒米飯,超有蠔香!仲有必試嘅象拔蚌刺身、天婦羅紫蘇葉吞拿魚蓉同牡蠣刺身。

鐵板烤牡蠣係日本特色烹調手法之一,廚師用大鐵鏟將新鮮嘅牡蠣鏟到大鐵板上,蓋上特製大蓋連殼煎烤。配上秘製酸汁、Xo 醬、芝士醬、蒜蓉醬、泰式辣醬、孜然醬6款醬汁,更添滋味!

牡蠣刺身/牡蠣刺身伴土佐酢啫喱
新鮮到港嘅北木島喜多嬉牡蠣鮮甜香滑,配上主廚特製的土佐酢啫喱、辣蘿蔔蓉和蔥花,帶出牡蠣的鮮味,吃再多也不會感到滯膩!

燒鳥三角胸軟骨以雞隻前胸三角軟骨製作串燒,味道更香,冇腥羶油膩味道,爽脆好食!手掌長嘅巨型牡丹蝦味道濃郁,蝦殼都食得!蝦肉厚實,蝦膏超香!手工月見燒鳥串選用雞肉、雞前胸三角軟骨、日本大蔥、紫蘇葉製作!雞肉不失肉汁,蘸上日本蛋黃同醬油月見汁,味道提升到更高層次!燒鳥皮蝦膠串,主廚為增加口感令串燒更惹味,用雞皮包裹手打新鮮蝦膠。表層香脆美味嘅雞皮,加上彈牙鮮味蝦膠,超正!活燒白鰻魚串選用愛知縣三河灣百年鰻魚老店出產嘅白鰻魚,可因應口味選擇鹽燒或蒲燒風格鰻魚,肉質彈牙厚實!

牡蠣五島手延湯烏冬湯底可選牡蠣濃湯或辣濃湯,牡蠣可選香煎牡蠣或牡蠣天婦羅,選用日本人喜愛嘅五島手延烏冬,比一般烏冬幼滑彈牙,配上牡蠣高湯,湯汁仲可以食到粒粒蠔肉!

牡蠣五島手延撈烏冬同冷烏冬一樣可選香煎牡蠣或牡蠣天婦羅,將牡蠣高湯精華完美濃縮,令烏冬吸收所有鮮味,每一口都係牡蠣精華。仲可以揀冷烏冬!清新口感配上新鮮牡蠣,更食指大動!

牡蠣釜飯係主廚用牡蠣高湯同新鮮蔬菜燘煮出材料豐富嘅牡蠣釜飯,配上香煎牡蠣,每一啖都食到滿滿蠔香!

鰻魚牡蠣便當有一口一件三河灣鰻魚同牡蠣,一次滿足你兩個願望!

北木島喜多嬉牡蠣屋
店舖地址:中環擺花街 1 號一號廣場地下 9 號舖
營業時間:中午 12 時 至 晚上 10 時

*以上資訊只供參考,如有任何變化或更改均以現場情況或商戶決定為準*

Klook.com
X