今次介紹呢間餐廳裝潢有特色之餘，食物質素都唔錯，仲有得飲咖啡同手工啤~啱晒同朋友聚會。

呢個位打卡一流！餐廳環境闊落，氛圍悠閒~

餐牌設計都好有特色。食物有多款創意Fusion菜式，仲有甜品同多款飲品選擇。

平日同朋友一齊食個lunch再飲返杯就最chill啦~

24小時慢煮伊比利亞叉燒配日本溫泉蛋，紅洋蔥漬，香蔥豬油撈飯

叉燒軟腍帶有焦香，溫泉蛋同紫菜拌勻豬油飯，好滿足。

Daily Pasta（帶子大蝦烏冬）

醬汁香濃，帶子同大蝦爽彈新鮮，烏冬口感掛上滿滿醬汁，好味。

中國白腐乳，法國白芝士焦糖燉蛋配自家製紫無花果醬，牛油厚多士及鮮什莓

焦糖燉蛋香濃綿滑，有淡淡嘅腐乳味，酸酸甜甜無花果醬幾解膩，厚多士亦香脆鬆軟。小編特別推介！

台灣金鑽鳳梨姜茉莉/Barrel Aged Cherry Imperial Stout

飲品都好高質，鳳梨茉莉好清新，黑啤飲落甘甜有果香味。

何蘭正

地址：中環雲咸街29號東方有色大廈2樓

營業時間：星期一至日 12:00 – 22:00

*以上資訊只供參考，如有任何變化或更改均以現場情況或商戶決定為準*