Decree by T 令喺中環開設新分店~ 新分店只有一個超長Bar檯，令到每個客人都可以坐喺Bar檯欣賞廚師手藝，同對每道菜式都可以有更多了解~

餐廳風格以深色作為主調，同一般傳統嘅Omakase用淺木色為主調唔同，餐廳多咗一種法式餐廳典雅嘅氛圍~

餐廳都係由入行二十多年經驗大廚Thomas主理，曾任職五星級酒店法國餐廳主廚，亦於米芝蓮餐廳工作過，曾涉獵日、法菜，將多國菜嘅做法融入到廚師發辦，打造與別不同嘅創意omakase~ 當中好多菜式都有食緊分子料理嘅感覺~

隨著新分店開張，餐廳推出咗「鮑參翅肚」料理，呢四道菜式都可以喺晚市嘅Omakase食到~ 每道菜式都會用上時令嘅高質食材，再配搭多國料理烹飪手法和複雜嘅處理工序，為求突出每個食材嘅特點，呈現出最平衡同豐富嘅味道。

肝醬鮑魚麵，鮑魚香軟入味，配上鹹香嘅魚子醬，鮮美升級！每條麵都滿佈鮑魚肝醬，味道香濃~

海參水晶球，食落酸甜開胃，關東遼參爽彈鮮美~ 配上水雲，清新可口。

香煎魚翅配雞濃湯 espume，煎香嘅龍躉魚旗食落爽彈，配上白松露魚籽同雞濃湯，味道香濃。

蟹湯 · 花膠，花膠採用冷泡嘅方式浸發，保留花膠嘅膠質之餘口感亦更加爽彈。蟹肉濃湯好清甜~

醬油蛋 日本帶子 配米紙薄脆：米紙採用日本米製作，有淡淡米香。醬油浸泡嘅曉蛋，食落有種溏心蛋嘅質感，帶有輕微醬油醇香，將蛋汁同帶子撈勻擺上薄脆米紙上食，口感豐富得嚟又清新。

日本生蠔泡芙：煎香嘅宮崎縣米奇生蠔好肥美，一咬爆汁，非常juicy~食落滿足！

熟成拖羅壽司，魚味香濃，油脂豐富又唔會膩。

平貝壽司：採用江瑤貝嘅柱頭肉，食落口感比較實，口感比較彈牙，有咬口。

春子鯛壽司：現在盛產嘅小鯛，灑上薄鹽再浸上薄醋，突出咗魚肉鮮美。

栗米魚濃湯，新店依然採用精緻嘅名牌餐具，睇落賞心悅目~ 飲落香濃暖胃。

自家製栗米雪糕，店內雪糕都係自家製，不定時會推出新口味~ 可能下次去食就係番茄炒蛋味~值得期待。

樓上仲有居酒屋，大家記住要試埋~酒場除提供過80款日式美食，串燒、燒海鮮、煮物、佐酒小食等外，更以日本直送的吞拿魚鮫製成吞拿魚鮫配柚子蒜蓉沙律，再配上多款特調雞尾酒及多國美酒。

Decree by T 令（中環店）
地址：中環閣麟街 46-48 號 Foco22 樓
電話：9822 7957

Decree 酒場
地址：中環閣麟街46-48號Foco 23樓
電話：9823 7331
營業時間：星期一至四中午12時至下午3時；下午5時30分至晚上11時
星期五至日及公眾假期中午12時至晚上11時

*以上資訊只供參考，如有任何變化或更改均以現場情況或商戶決定為準*