位於中環嘅全新異國風餐廳～餐廳裝潢藍以金黃色為主調，牆上有多幅印度皇宮及君主為題的藝術作品俾大家影相打卡！

整體感覺好似宮殿般咁華麗，連餐具都非常精緻！我哋即刻睇下有咩食先！

西班牙八爪魚Tandoori Octopus， 以低溫慢煮12小時後再放入380度至400度嘅炭火Tandoor窯爐內烤，原味食已經好香口，再配上焦香粟米及薄荷乳酪酸辣醬口感更清新。

咖喱燉菜配麵包Keema Pav ，入面係羊肉碎、馬鈴薯脆條、鵪鶉蛋撈埋一齊，再配上外脆內軟嘅麵包一齊食，超正！大家唔洗擔心，因為羊肉冇臊味。

松露芝士薄餅，呢款一定要試～新鮮熱辣食嘅時候係脆口嘅，一直以為印度薄餅都係軟綿綿咁，原來焗完即食口感係咁正！

熱情果椰子蛋糕，西式甜品好啱香港人口味～

印度奶湯圓，呢款甜品入口好重香料味道，大家都不妨一試。

大家眼見呢款金屬容器係來自印度嘅Kansa（銅和錫的混合物），使用Kansa器皿有助吸收食物中過多的酸性，讓人更易消化，又具預防關節炎、心臟健康等功效。除咗呢款容器，店內其他餐具都好精緻，如果大家飲印度拉茶就可以拎黎影相打卡喇！

鍾意飲返幾杯嘅你，呢度設有烈酒餐車，包括威士忌、氈酒等任君選擇，當中仲有印度釀造的單一麥芽威士忌，大家可以試單杯裝或是瓶裝都得㗎。

Chutney Tandoor House
地址：中環雲咸街75-77號嘉兆商業大廈4樓
電話：2330 0027

*以上資訊只供參考，如有任何變化或更改均以現場情況或商戶決定為準*