康文署聯同K11、嘉里集團同信和集團合作推出「藝術＠維港」藝術展覽計劃，喺維港兩岸設置咗多組結合咗藝術、科學同科技嘅戶外藝術裝置同大屏幕數碼影像，將添馬公園、中西區海濱長廊中環段、尖沙咀同紅磡海濱營造成新嘅「打卡」熱點。

計劃分四個部分，分別係康文署轄下嘅藝術推廣辦事處同科學推廣組所推出，由香港賽馬會獨家贊助嘅「香港賽馬會呈獻系列：藝術有理」展覽、K11「未來交響樂」、嘉里集團「綻放香港」，同信和集團的「心連心」組成，2022年6月23日起開放。

康文署委托咗本地藝術家同藝術科技單位，創作咗九組結合藝術同科學嘅互動式裝置以及三幅富立體視覺效果嘅地畫。除咗融入維港嘅風景，仲加入咗數學同物理學基礎、可持續發展等元素。是次亦聯同咗藝術科技合作夥伴，引入場域特定科技裝置同活動，推出線上互動平台。仲有一連串線上線下活動陸續推出，包括工作坊同分享會。

另外三個參與「藝術＠維港」嘅私營機構分別喺尖沙咀及紅磡海濱一帶展出不同嘅藝術作品。K11在K11 Musea海濱、星光大道同梳士巴利公園展示以「未來交響樂」為主題嘅藝術裝置同數碼作品；嘉里集團則喺九龍香格里拉同香港嘉里酒店外牆展示名為「綻放香港」嘅數碼藝術；信和集團喺尖沙咀中心、帝國中心同中港城設置大屏幕數碼影像「心連心」。

*以上資訊只供參考，如有任何變化或更改均以現場情況或商戶決定為準*