港式文化博大精深，小至霓虹燈、手寫通渠廣告、到時尚封面插圖，都滿佈創意！

貼地玩味嘅港式文化，近日登陸K11 Art Mall。有由Carnaby Fair藝廊策劃嘅 SUB(X)TURE：「搞場大龍鳳」文化節。多個品牌亦有參與是次文化節，同6大唔同界別嘅本地創作者交流創作，打造咗8大打卡場景！

渠王x DaddyBoy®大型10米闊戶外玻璃寫英文「塗鴉」
街頭書法大師「渠王」嚴照棠聯同DaddyBoy®以 K11 Art Mall 嘅大型10米闊戶外玻璃為「畫布」，以獨特書法為文化節以英文提字！

McCafé x Ernest Chang港式漫畫風超現實外太空主題流動小販車
當代藝術家張子言（Ernest Chang）將本地街頭文化結合 Pop Art同McCafé 創作破格咖啡體驗，採用港式漫畫風設計超現實外太空主題流動小販車，逢週五至週日完成指定步驟，即可換領McCafé手調咖啡！

Lalamove直送「渠王」開工「架生」
「渠王」嚴照棠與Lalamove合作，將工具同畫作利用極速物流服務送到K11 Art Mall。「渠王」將標誌性嘅書法融入Lalamove橙色電單車、紙皮盒同封箱膠紙。現場仲設有Lalamove別注版即影即有體驗！

DaddyBoy® Cyberpunk 科幻色彩VR遊戲空間＋DaddyBoy® x 馬爹利名仕干邑（Martell Noblige）沉浸式文字藝術打卡裝置
DaddyBoy®利用電競VR結合動漫神作，打造Cyberpunk科幻色彩VR遊戲空間，亦同馬爹利名仕干邑（Martell Noblige）聯手策劃沉浸式文字藝術打卡裝置。逢週五至週日完成指定步驟更可免費換領馬爹利 x DaddyBoy®設計環保袋！

陳珮彰 x 「友」手工啤酒廣東話潮語霓虹燈裝置
本地手工霓虹燈品牌創辦人陳珮彰 (Polly Chan) 同本地手工啤酒品牌「友」（YAU）合作，將廣東話潮語製成手作霓虹燈裝置。「友」亦會於地下近中庭設置期間限定啤酒換領站，派發兩款充滿本土風味的手工啤酒。

林祥焜玩轉港產電影
香港著名漫畫家林祥焜亦玩轉港產電影經典，將耳熟能詳嘅港產喜劇代表人物同片段，《食神》「少林方丈」、《整蠱專家》「單眼佬」等帶入K11 Art Mall，以畫作帶領觀眾回味無厘頭時代下嘅無窮創意！

SIUKINS 神還原經典百年老字號食府「蛇王芬」場景
本地插畫家SIUKINS神還原經典百年老字號食府「蛇王芬」場景，仲為「蛇王芬」設計新形象。

除咗藝術裝置，Carnaby Fair 仲獨家發售多款以香港為設計元素嘅潮流商品，如T－Shirt、棒球帽、經典電影玩具系列！

K11 ART MALL SUB(X)TURE：「搞場大龍鳳」文化節
日期：2022年8月10日 － 9月18日
地點：尖沙咀河內道18號K11 Art Mall地下 G11 & G24號鋪
時間：中午12時－晚上9時
預約連結： https://bit.ly/3oTAIWa

*以上資訊只供參考，如有任何變化或更改均以現場情況或商戶決定為準*