fbpx

【香港】《小香港・大節日》微型藝術展開幕!重現舊香港+珍寶海鮮坊!

12 月 30, 2022 | 香港, 荃灣, 玩樂

荃灣如心廣場即日起至明年2月19日舉行以聖誕同農曆新年為主題嘅《小香港・大節日》微型藝術展覽,有近60件微型藝術展品!最矚目為1.5米長「珍寶海鮮舫」,另一必睇作品係藝術家蔡碧龍及何國添作品,仿照歷史照片而創作嘅《遺忘的時光—1930》,展現咗上世紀戰前風情。

微型藝術展覽今年6月先喺中環街市揭開序幕,有超過40萬人次參觀;巡迴亞洲各地,最後回到如心廣場作壓軸登場!

是次展覽中央設7米高嘅巨型聖誕下午茶作配襯,喺巨型聖誕下午茶下嘅「維多利亞港」加入咗電腦動畫,模擬咗聖誕煙花,喺3.5米長嘅「維多利亞港」上空綻放,蓋涵香港四十多座地標性建築,唔同嘅摩天大廈燈火喺夜空中閃耀,仲有帆船鴨靈號,象徵維港嘅天星小輪亦喺海航行。參觀者仲可透過AR技術變成聖誕老人。




展場有近60件微型藝術展品。「珍寶海鮮舫」喺藝術家嘅手下,重現光輝歲月,包括燈飾、「歡迎光臨」霓虹招牌、接駁碼頭、大型魚缸、大堂中龍椅同宴席、船後方嘅廚房,仲有《食神》中周星馳同谷德昭嘅對手戲都重現咗出嚟。

另一作品「遺忘的時光—1930」,立體展現上世紀戰前風情,創作靈感嚟自一幀1930年代嘅相片,重現咗香港早期建築物外牆嘅中西廣告招牌、穿上唐裝戴帽嘅行人、紮着大辮嘅媽姐工人,人力車伕,天台長杆收音機天線、電影《功夫》中嘅殺手、詠春葉問嘅武館、街中巡行嘅婚嫁隊伍等等。

其他展品有「五星級自助餐」、「聖誕大餐」、「森林餐廳」、「冬菇亭」,以及巨型聖誕樹同聖誕小屋環繞嘅「戲曲中心」、「中環石板街」、「蘭桂坊」等。

《小香港・大節日》微型藝術展
Part 1:2022年12月22日至2023年1月16日
Part 2:2023年1月16日至2月19日(1月11日全場將換上賀年布置)

時間:上午11時至晚上8時
地點:如心廣場一期1樓中庭

*以上資訊只供參考,如有任何變化或更改均以現場情況或商戶決定為準*

Klook.com
X