過往香港社會令紋身污名化，仿佛紋身就等同黑社會、人品差？近期大熱嘅《全民造星IV》當中得獎者冠軍Marf手臂亦有紋身，十分時尚個性；而人氣男團MIRROR成員AK同Lokman都擁有多個紋身，亦不乏追隨者，其實紋身喺現今社會嚟講已經進入一個新世紀。今日小編就搵嚟一位紋身師做專訪，即刻睇紋身師平時做咩嘅？

正當大部分人都為自己未來出路或職業苦惱時~Yingo卻早早為自己將來定下目標，佢從小就喜歡日本漫畫，理想就係做一名漫畫家！大專畢業後亦順利成章加入本地著名香港漫畫出版社。「我好鐘意日本漫畫，但大公司只係流水式作業，滿足唔到我個人對於漫畫嘅追求，我希望自己嘅漫畫作品富有更強故事性！」

紋身成唯一出路 香港首席紋身師徒弟

紋身師對於Yingo嚟講簡直係一道曙光，喺一次偶然嘅機會下接觸紋身後！佢自此發現自己鐘意紋身，於是上門拜師學藝！他的師傅正是香港首席紋身師Gabe Shum，連David Beckham、謝霆鋒同吳彥祖都是他師傅的客人。

Yingo學師連入行至今大約5年，算係新手紋身師~而他的紋身圖案設計風格偏向日式漫畫，圖案勾勒線條主要係採用IIlustrative Style，細膩線條及層次豐富！

多數客人都會要求紋上與漫畫中相似嘅圖案，但Yingo每次都會按客人要求重新客製化，絕對唔會同人「撞圖」，除咗日式漫畫系列，近來他亦有不少女性客人要求紋上小清新的字句、圖案、寵物等可愛元素。

紋身師工作收入都幾唔穩定，但亦無阻他將紋身師視為終身職業~多數紋身師因為長時間保持同一姿勢工作，容易患上肩周炎、頸椎病等等，他卻不以為然。Yingo 摸摸頭髮，雙眼發亮：「我又唔會覺得攰，因為每一下落針都令我非常亢奮，如果呢份工可以比我做一世我覺得超正！我真係好享受為每位客人紋上獨一無二嘅圖案。」

紋身點保養先最好？

Yingo話如果大家想個紋身保圖案顏色同線條保持最佳狀態，記住要長期擦潤膚露，保持滑溜肌膚係每個紋身人士必備，另外避免紋身後長期曝曬，強烈紫外光會破壞圖案顏色同線條。

大家宜家紋身仲可以用消費券俾錢，接受Alipay /Tap & Go / 八達通 / Wechat Pay！

Comicism Tattooist （大浪漫畫主義公仔佬）
地址：聯明興工廠大廈 Room B3A, 10/F, 36 Mok Cheong St, To Kwa Wan
WhatsApp 預約：9629 4928
Email         預約：comicism.tattoo@gmail.com
Facebook：comicism.tattoo
Instagram:  comicism.tattoo
查詢詳情：www.freedomtattoo.hk

*以上資訊只供參考，如有任何變化或更改均以現場情況或商戶決定為準*