今次介紹呢間銅鑼灣麵包店有多款特色口味麵包及甜品！包括拿破崙焦糖千層蛋撻，五色菠蘿包，紫薯鷄尾包同抹茶紅豆雲朵！

拿破崙焦糖千層撻，中間有香滑蛋漿同流心焦糖，千層酥皮鬆脆，味道鮮甜帶焦香，口感豐富。

蛋撻採用傳統拿破崙千層既做法，酥皮焦香鬆脆，蛋漿香甜軟滑，熱食似流心焦糖，雪凍有法式燉蛋口感！無論凍食熱食都係咁正！每日手工製作，限量發售，每日出爐時間: 12:00 ‧ 14:00 ‧ 16:00。

芋泥麻糬包都係店內招牌！香甜的芋頭配上軟糯煙韌的麻糬，兩者絕對係最佳組合。

另外五色菠蘿包亦係店內特色！選用全天然食材, 冇添加人造色素！五款口味包括抹茶、洛神花、黑芝麻、伯爵茶同原味。

一次過買齊五款，色彩繽紛，好啱打卡！

店內有不同口味的雲朵方包，包括特濃朱古力雲朵、抹茶紅豆雲朵、琥珀核桃無花果雲朵同雙重芝士雲朵。

甜品控必試玄米茶麻糬撻！

Hashtag B
地址：銅鑼灣利園山道73號寶榮大廈地下F號舖
營業時間：星期一至五 7:30am – 8:30pm；星期六、日及公眾假期 8:30am – 9pm

圖片來源：IG @hashtagbhk

*以上資訊只供參考，如有任何變化或更改均以現場情況或商戶決定為準*