深井清快塘喜香農莊紫藤花盛放喇！喺農莊內串串紫藤花掛滿藤架，形成超靚淡紫色花海！
喜香農莊開業已經快20年，地點隱蔽，喺深井清快塘村入面，由深井村上山，行約40分鐘就到清快塘。
農莊免費入場，每年3至4月係紫藤花盛開期，有好多人慕名而嚟。
sponsor
sponsor
農莊設有兩個紫藤花藤架，花冠成蝶形嘅紫藤花掛滿花棚，仲會垂下串串紫藤色嘅花朵，飄散住紫藤花香。
行喺藤架下面，一抬頭就可以見到一大片淡紫色花海，好似置身世外桃源咁！
紫藤花花冠成蝶形，通常有20至30朵花喺同一枝藤上，一串串生長，花朵密集好靚，大家想影相浪漫紫藤花就要趁花期去打卡啦！
但提提大家，喜香農莊係私人地方，入內請保持地方清潔。
深井清快塘 喜香農莊
地址：深井清快塘村13號
交通：喺荃灣地鐵站搭234A巴士，落深井碧堤半島站就到，清快塘新村路行樓梯斜路上山
入場費：免費入場
清快塘紫藤花怎樣去?
在深井清快塘村13號，在荃灣地鐵站搭234A巴士，落深井碧堤半島站就到，清快塘新村路行樓梯斜路上山
紫藤花花期是?
在香港是每年大約3 – 4月
*以上資訊只供參考，如有任何變化或更改均以現場情況或商戶決定為準*
【香港】 金鐘打卡Smiley期間限定遊樂場！必去氹氹轉＋滑梯打卡！仲有DIY手鏈/手機繩！
【香港】北角人氣麻糬波波，必試朱古力味+紫菜肉鬆味！
【香港】大澳水鄉一日遊~行山/美食/打卡！簡易行程！
【香港】Donki 第10間分店進駐鑽石山！新店面積逾16,000呎
【香港】日式創意卷物店登陸尖沙咀！仲有新款日式車仔麵！
【香港】McCafé期間限定「菠蘿冰雪乳酪」！仲有限量教主應援生日卡！神徒必到尖沙咀大型打卡廣告板！