fbpx

【荃灣美食】正宗成都麻辣火鍋殺入荃灣!必試一米鴨腸/金牌脆毛肚/霸王麻辣牛肉

12 月 21, 2023 | 美食, 荃灣, 香港

更多 酒店/機票/自助餐/門票 優惠可瀏覽 KlookTrip.comKkday

鍾意打邊爐嘅朋友仔,今次一定要Mark實呢間火鍋店!裝修風格行中式復古風,好啱打卡!仲有獨立VIP房,我哋即刻入去睇下~

呢度最出名就係鴛鴦湯底,招牌牛油鴛鴦鍋,可以配菌湯鍋、番茄湯或大骨百味鍋,餐廳嘅火鍋配料都非常新鮮!




今次我就揀左呢款一米鴨腸,嘩!大家睇下真係有一米咁長㗎,鮮味十足!

打邊爐淨係識點豉油?今次同大家分享店舖推介嘅醬汁配方,四川油碟:蒜茸、蔥、芫荽配上自家品牌香油或者豉油都得,可以中和辣味同提升食物味道!

食麻辣火鍋一定要配埋金牌脆毛肚~爽脆彈牙!食毛肚一定要「七上八落」煮夠15秒啱啱好!仲有霸王麻辣牛肉,入面捲有芫荽,沾滿辣椒粉,口感獨特!大家記住嚟挑戰下其他。

配菜有一米打卡肥牛、麻辣鴨血、大刀腰片同埋手打墨汁墨魚丸、各式手工餃子都一樣咁出色。

海鮮方面推介台山蠔、桂花蚌。

宜家晚市逢星期一至四做緊75折優惠!其他時段8折,超抵~

我哋繼續試埋呢度嘅小菜啦~一定係招牌冒烤鴨套餐,烤鴨皮脆肉嫩!鍋底更配埋12款配料,好足料!

牛魔王套餐都好惹味,包括(牛坑腩、牛肚、牛筋、千層肚、雪花肥牛、12款蔬菜底)超級多嘢食。

小編就推介大家可以揀冒菜自選套餐,可以自己揀餸!湯底方面有清油麻辣冒菜辣湯、秘製大骨湯、番茄湯(有辣有唔辣),好抵食㗎!

打工仔午市食飯嚟開餐都係免收加一,仲有多款飲品一律半價(不含酒精飲品)

除咗打邊爐同埋午市套餐之外,小編大推呢度嘅小食,非常吸引!

脆炸薯絲蝦、冰火魷魚、椒鹽九肚魚、現炸酥肉、紅糖滋粑等等。

放假即刻約班朋友嚟試試啦!

 

碼頭故事(荃灣旗艦店)
地址:荃灣楊屋道88號Plaza 88 2樓18號舖
訂座:Whatsapp 6223 0988
營業時間:11:00-23:00

*以上資訊只供參考,如有任何變化或更改均以現場情況或商戶決定為準*

Klook.com
X