置身樹林享受森林浴、聆聽蟲鳴鳥叫，係逃離城市喧囂嘅完美計畫，仲係沈浸於大自然日月精華嘅好時機。瑞典特色酒店「Treehotel」就係理想嘅住宿。2010年創立至今，喺瑞典開拓咗7座特色樹屋，近日仲宣佈全新據點「Biosphere」將會喺2022年5月揭幕，並由丹麥知名建築事務所BIG設計，以生物圈為概念，打造人與鳥類共同棲息嘅安適空間。

Treehotel創辦人夫婦Kent & Britta來自瑞典拉普蘭，結婚後喺家鄉搵到一所舊療養院，將其改造成一家溫馨旅店「Britta’s Pensionat」，可惜生意唔理想。為咗生計，想法開源，遇上導演Jonas Selberg Augustsén前來長住，當時佢正拍攝電影《The Tree Lover》，關於三個都市人共同建造樹屋嘅故事。拍攝結束後，Britta認為樹屋就此荒廢好可惜，同丈夫同劇組取得共識，搵嚟幾位建築師朋友，將樹屋改成為民宿，而呢座因Britta臨時起意而生嘅樹屋，就係Treehotel雛形。

開業至今10年，Treehouse喺瑞典北部擁有7處據點，每座樹屋都由唔同建築師同設計師設計，共通點係設計團隊都係來自或紮根於斯堪地那維亞地區，民宿都係座落喺樹林，鼓勵旅客與大自然建立連結。

即將喺2022年春夏開幕嘅「Biosphere」由BIG設計，中央為一黑色立方體結構，周圍圍繞著350個大小不一嘅木製方形鳥舍，排列形成雲朵形狀，整體懸掛地面之上、固定喺樹林之間，對外通道是一座與樹幹同地面相連嘅橋樑。

設計師想旅客嘅森林「沈浸感」升級，加上田調過程中，有專家指當地鳥類數量正在降低，林業發展令能夠築巢嘅天然樹洞減少，因此構思出邀請人類、鳥類同居於此球形巢穴嘅想法，希望為當地生物提供自然棲息地。

樹屋空間小巧，以內斂色系、木材質為主，格局帶有夾層，上方為寢區、下方係小客廳，搭配玻璃天花板、牆面同地板，為旅客打開欣賞屋外森林景致嘅視野，仲可以喺屋內觀鳥，觀察短暫同住嘅可愛室友。

*以上資訊只供參考，如有任何變化或更改均以現場情況或商戶決定為準*