fbpx

【紅磡好去處】紅磡都市公園正式開放,佔地約2200平方米+設健身園地

2 月 8, 2024 | 紅磡 / 土瓜灣 / 九龍城, 香港, 玩樂

康文署於2月2日宣布,新落成嘅九龍城區紅磡都市公園(第一期)開放俾公眾使用,為市民提供休憩和舒展身心嘅好去處!

公園位於華信街,鄰近紅磡渡輪碼頭,佔地約2200平方米,提供一系列康體設施,包括消防車輛展示區、長者健身園地、涼亭、草坪及飲水機,滿足不同年齡人士嘅需要。

現場紅噹噹最搶眼就係香港消防處捐贈嘅F418消防泵車,退役後繼續喺社區宣揚防火知識!消防處今個月17同18號(初八、初九下午2時半至4時)仲會舉辦「消防車大解密」環節,搵埋消防員落場親身解密,教大家實用防火小貼士,又會講解吓部車嘅每種功能同昔日威水史,啱晒到時拜完年嘅你去學嘢兼打卡!




現時九龍嘅海濱已經開放咗10公里,預計到2028年就可以打通到15.8公里,俾大家去到更多地方感受維港魅力。

市民如欲前往紅磡都市公園(第一期),可由港鐵黃埔站C1出口步行約7分鐘直達,亦可乘搭多條巴士及小巴路線前往。

紅磡都市公園(第一期)
地址:華信街,毗鄰紅磡渡輪碼頭
交通:港鐵黃埔站C1出口步行約7分鐘直達,亦有多條巴士及小巴路線前往。

*以上資訊只供參考,如有任何變化或更改均以現場情況或商戶決定為準*

Klook.com
X