最近珠海橫琴新開咗個「創新方商場」，面積超過96萬呎！除咗係綜合性嘅購物中心，仲有好多遊玩觀光嘅體驗，適合一家大細親子遊！

而珠海首家嘅「Pokiddo口袋屋蹦床公園」都喺呢到開設，面積有成4萬平方呎！超過30款人氣項目可以玩！有彈床、海綿池等，最適合一家大細帶小朋友嚟放電！

「Pokiddo 口袋屋蹦床公園」個名源自袋鼠嘅育兒袋，佢哋想打造一個安全有趣嘅全民玩樂空間！「Pokiddo口袋屋蹦床公園」以彈床為主題，,與運動、探險同遊樂相結合、仲有科技同競技嘅元素，希望玩家有沉浸式嘅遊玩體驗。安全措施非常到位，大人小朋友均可放心體驗！

超過 30 款遊樂項目，包括高空拓展（係國内第一套室内叢林冒險！採用法國考拉保護系統、高空滑道、旱雪滑梯、魔鬼滑梯、高空鞦韆，以及經典蜘蛛墻、自由彈床區、專業彈床區、互動拍拍樂等熱門項目。

自由彈床：風靡全球嘅彈床運動，喺彈性驚人嘅彈床區,一腳踩上去體驗一飛衝天嘅感覺。

入池彈床：縱身一跳，花式「入水」，盡情投入海綿池嘅懷抱！

蜘蛛牆：想同蜘蛛俠一樣飛簷走壁？着上特製「蜘蛛俠」服裝，就可以旋轉、跳躍、痴喺墻上，同牆壁嚟個親密接觸。

魔鬼滑梯：咻一聲由長達 7 米嘅90度直角滑梯頂端縱身滑下！滑入滿滿海綿球嘅彩色世界，重力加速滑落嘅快感同衝入海綿球海被包圍嘅滿足感，讓煩惱消失得無影無踪！

旱雪滑道：坐喺旱雪毯上身體向後仰，再向下俯衝，簡直係「飛一般嘅感覺」！

淘氣堡：係為小朋友訂製嘅專屬遊樂區，有雙層彈床、迷宮、海洋球池，玩到停唔到！

攀岩：嚟一場競技賽，睇吓邊個先到達頂峰！

大灌籃：利用彈床嘅彈力躍起，輕鬆做個入樽高手。

網紅盪橋：非常考驗平衡力，兩個人企喺橋上搖住一決高下！

咁多好玩項目，無論係情侶通過挑戰刺激項目提升彼此嘅親密度，定同朋友、團隊喪玩釋放壓力，定係陪伴小朋友渡過溫馨嘅親子時光，都非常適合。

Pokiddo口袋屋蹦床公園
地址：橫琴創新方商場二層 201-203 舖
營業時間：平日 11:00–20:00／周末 10:00–20:00

==========

而全球第三間、華南首間國家地理探險家中心亦都係位於橫琴創新方，係集遊樂、探險、科普、親子互動於一身嘅家庭互動體驗中心。同時亦係橫琴粵澳深度合作區嘅研學教育基地，以及廣東省環境教育基地。

橫琴國家地理探險家中心佔地 4萬8千 平方呎，共設約 15 項新奇有趣、充滿啓發性嘅互動體驗設施例如自然之力、宇宙出發、考古挖掘、野外競速等。以探險自然同科學為基礎，結合創新嘅 AR、VR、4D 互動體驗科技與國家地理優質內容，將富娛樂性嘅家庭探險體驗帶到大灣區。為親子家庭打造全方位嘅沉浸式體驗，令大小賓客仿若漫遊宇宙、潛入深海，穿梭喺多個自然場景，以獨特嘅沉浸式娛樂設施啟發賓客展開探險同保護地球。

橫琴國家地理探險家中心由美國國家地理合股有限公司(National Geographic Partners)授權、iP2 Entertainment 設計，超越界限探險無限！激勵每一個小朋友成為下一代嘅科學家、工程師、太空人、生物學家、海洋學家、思考者同探險家，帶領親子家庭深入發現宇宙奧秘、神秘海洋世界及更多未知領域。

橫琴國家地理探險家中心通過世界頂級嘅影像同技術水準，將國家地理嘅探險精神、自然歷史、野生世界、人文考古同風土民情等最珍貴嘅影像題材同現代科技融合，令大家置身喺融匯全球壯美嘅地理風貌、人文、科學等內容嘅探險之旅，好似親歷呢啲世界上最震撼、最精彩嘅時間同空間。

小朋友可以以一名國家地理終極探險家嘅身份「環遊世界」，完成一系列任務。每個任務都係一段有趣嘅冒險旅程，有攀爬至雨林高大嘅樹叢頂部、穿過冰凍嘅極地地區同深海。遨遊宇宙空間或者運用 AR 高科技將荒蕪沙漠創造成綠洲。喺探險過程中，與野生動物進行互動，動腦筋解決環境保護嘅謎題，參與趣味體能挑戰遊戲，極具教育意義。

橫琴國家地理探險家中心
地址：橫琴創新方 3 樓
營業時間：10:00-18:00(最晚入園時間 17:00)

 

*以上資訊只供參考，如有任何變化或更改均以現場情況或商戶決定為準*