fbpx

【熱話】新海誠新作《鈴芽的門鎖》!上映三日突破18億日圓票房!

11 月 19, 2022 | 日本, 熱話

☉ 瀏覽次數 : 956
新海誠新作《鈴芽的門鎖》喺日本上映不久就反應十分熱烈。呢部動畫電影以匿藏喺日本各地嘅廢墟為背景,講述少女鈴芽關閉災禍之「門」嘅故事。

早前已有《你的名字。》同《天氣之子》兩部作品打響名堂,睽違三年嘅新作《鈴芽的門鎖》剛喺日本上映,前三日嘅票房已經高達18.8億日圓,吸引咗超過133萬人次觀眾入場,打破《你的名字。》、《天氣之子》嘅首週數字。

《鈴芽的門鎖》又名《鈴芽戶締》,係新海誠擔任原作、導演、編劇嘅第8部動畫電影。劇情講述居住喺九州小鎮嘅17歲少女「鈴芽」遇到一名正在為尋找「門」而四處旅行嘅青年,追隨佢嚟到山中廢墟。佢哋喺果到發現一扇破舊嘅門,鬼使神差地向門伸出手。緊接着「門」喺日本各地打開,災難不停從門嘅對面到訪,鈴芽必須將門一一關閉。以日本各地廢墟為背景,鈴芽關閉災禍之「門」旅途中,觀眾亦可再度飽覽日本各地美景。

今次作品係新海誠導演喺大流行背景下創作,佢曾喺發表會上表示「大流行爆發後,原本人來人往嘅日本都市從未如此空曠,令佢感到置身未來。」之所以將場景建立喺廢墟之上,佢解釋「人們喺開墾新地時會拜神、舉辦盛大儀式,但離去時卻什麼都不做,留下蕭條景象。」懷着複雜情感,少女「鈴芽」就喺佢筆下誕生,並以其視角探訪日本各地廢墟故事,希望為呢啲落寞地點劃上圓滿休止符。




《鈴芽戶締》已經喺2022年11月11日登上日本銀幕,香港同其他地區上映時間暫未公布。

 

 

*以上資訊只供參考,如有任何變化或更改均以現場情況或商戶決定為準*

Klook.com
X