澳門科學館出名情侶必去，到底有咩咁特別呢？原來科學館外有一顆心形樹，由科學館定期修剪，係澳門嘅人氣打卡景點！

https://www.instagram.com/p/9LEns8C2gi/

「心形樹」其實係一棵榕樹，因天氣日照等自然環境因素影響下，樹冠逐漸長成心形，吸引咗大量情侶、遊客嚟打卡，大家就開始叫佢做「心形樹」！而近年來，「心形樹」更成為婚攝嘅熱門景點之一，大家都希望喺呢個浪漫嘅景點下影相留念，好受歡迎。

https://www.instagram.com/p/CJkanaEsBb9/

除咗呢個情侶必影嘅「心形樹」之外，其實科學館本身呢個建築都好值得去欣賞一吓！澳門科學館由世界知名建築師貝聿銘設計，斜錐體嘅展館非常特別，館外以白配灰為主色，簡約風格非常文青，打卡一流！

https://www.instagram.com/p/CJkazygsCsh/

科學館外更設有散步徑同埋樹木陣，可以同另一半一齊散步談心，同時望住海同樹木呢啲自然景觀，真係一個好值得去嘅景點！

https://www.instagram.com/p/CJXs9dyj0Ef/

澳門科學館
地址︰澳門孫逸仙大馬路澳門科學館

*以上資訊只供參考，如有任何變化或更改均以現場情況或商戶決定為準*