fbpx

【澳門】人氣腸粉店 倫記軟滑腸粉

4 月 8, 2021 | 澳門, 美食

☉ 瀏覽次數 : 675

難得去澳門玩,一定要試下當地人氣腸粉店「倫記軟滑腸粉」!腸粉係由米漿做出嚟嘅美食,屬於廣東小食,喺好多粥麪舖、街邊檔、大排檔、酒樓都可以食到。腸粉好味又飽肚,唔少人都會食腸粉當早餐、下午茶,甚至宵夜,係廣東嘅人氣小食!

「倫記」以即拉即製嘅腸粉聞名,主打傳統布拉軟滑腸粉同埋各種粥粉面,你可以喺小店入面食到地道小食,非常有風味!布拉腸粉係以「 布 」拉成嘅腸粉,店員會先喺浸濕嘅布上淋上米漿,蒸熟後再鋪上唔同嘅內餡,然後捲成一條條,切段後淋上醬汁即成。

腸粉作為平民小食,價錢唔貴,而且可以隨個人口味加入唔同食材,好受歡迎。店內亦有提供「叉燒腸」、「豬潤腸」同埋「牛肉腸」等等,大家可以試下唔同口味嘅腸粉。




不過以上所提及嘅腸粉都係好常見嘅口味,想食特別啲嘅話,小編就會推介最出名嘅「蔥花雞蛋腸」!雞蛋腸粉喺出面好小見,食落香滑唔黏,加埋大量豉油、甜醬同麻醬一齊食,味道豐富,而且份量多,真係好抵食!

腸粉作為平民小食,價錢唔貴,而且可以隨個人口味加入唔同食材,好受歡迎,一定要試下。

倫記軟滑腸粉
地址︰澳門沙梨頭沙欄仔街26號泉彩樓地下B號舖

*以上資訊只供參考,如有任何變化或更改均以現場情況或商戶決定為準*

Klook.com
X