深水埗新開咗一間小食店，必試雞蛋仔同車輪餅！雞蛋仔印上鬼馬表情，打卡一流！車輪餅有多款口味，必試彩虹拉絲芝士口味！

雞蛋仔有五款口味，包括招牌拉絲芝士、自家製芋泥麻糬、港式奶醬、抹茶紅豆麻糬、朱古力心太軟。

每隻雞蛋仔餡料都好多，好滿足！

車輪餅都好吸引！車輪餅直徑約10cm，比起一般車輪餅更大。即叫即做，有八款口味，包括招牌拉絲芝士、自家製芋泥麻糬、港式奶醬、流心棉花糖、抹茶紅豆麻糬、抹茶吉士、朱古力心太軟及火腿芝士肉鬆。唔鐘意食甜嘅可以揀火腿芝士肉鬆，香口惹味，食到停唔到口。

朱古力心太軟車輪餅，流心內餡好吸引！朱古力味香濃。

抹茶吉士車仔餅，用左小山園抹茶粉，抹茶控必試！

芋泥麻糬車輪餅，大大塊麻糬同份量十足芋泥，口感豐富！

四色彩虹拉絲芝士，呢款真係好IGable，四色拉絲芝士，啱晒影相呃like！

Try Try
地址：深水埗大埔道21號B
圖片來源：@welcometotrytry

*以上資訊只供參考，如有任何變化或更改均以現場情況或商戶決定為準*