北京名菜片皮鴨向來都係人間美食，非常受大眾歡迎！今次小編介紹嘅「羲和雅苑」烤鴨專門店喺北京開業十幾年，近年喺深圳同香港都開設咗多間分店，雖然店舖愈來愈多，但亦無影響品質同味道，依家都係咁好食！不過如果講到價錢優惠，深圳絕對係性價比最高嘅地區，真正做到平、靚、正！

https://www.instagram.com/p/B6kQ3KUj8dp/

「羲和雅苑」嘅其中一個賣點就係佢哋獨創嘅招牌烤鴨三食，除咗有傳統嘅片皮鴨食法，另外亦有兩個獨家創新食法，打破咗本地人對食片皮鴨嘅想象！第一款食法係傳統食法，鴨腿肉加埋配料一齊食，夠哂正宗。配料方面，除咗有青瓜絲、京葱絲同甜麵醬，仲有洋葱同埋山楂條，好豐富！

https://www.instagram.com/p/B35JQFTHjOG/

第二款食法就係店家推介嘅創新食法，鴨胸皮配藍莓醬同埋爆炸糖一齊食，勁特別！佢哋以爆炸糖代替傳統白糖，用藍莓醬代替甜麵醬，非常有新鮮感，喺其他地方好難食到，對本地人定外國遊客都好有特色！

https://www.instagram.com/p/B1U_a-6HT8c/

而第三個食法就係鴨胸肉點芥末醬，店內有自家製嘅芥末醬，夾埋肉味香濃嘅鴨胸肉一齊食，酸甜味道好開胃，畀人一種清新嘅感覺。

https://www.instagram.com/p/B0wHv8XhMTd/

店內提供嘅片皮鴨分咗皮、胸、腿，肉會比較多，有咬口之餘又唔會太油膩，真係食到停唔到口，絕對值得一試！

*以上資訊只供參考，如有任何變化或更改均以現場情況或商戶決定為準*