近年來文青簡約風格興起，加上打卡文化成為主流，令人多咗留意身邊嘅建築物，發掘唔同嘅打卡熱點！而深圳就有一個地方吸引咗好多人專程去打卡，唔少人都誤以為呢個全白為主題嘅建築物係藝術館，但其實佢係一間大學嚟！

https://www.instagram.com/p/CDjK7fQAUT_/

「深圳大學」坐落於深圳市南山半島，大學曾榮獲全國校園建築設計一等獎，而且仲係經濟特區十大歷史建築之一，唔掛得咁多人去朝聖啦！

https://www.instagram.com/p/B0-3onMpk8Y/

當中最具代表性嘅打卡位就係大學入面嘅「理工樓」，喺大樓外可以見到多個標誌性嘅純白色方形窗戶，整齊劃一嘅設計富有藝術色彩，而大學建築嘅內外有好多樓梯，可以好容易就影到隨意知性嘅靚相！

https://www.instagram.com/p/B9yi6vynGEy/

影相嘅時候最好揀中午，陽光照射住白色外牆，有一種朝氣清新嘅感覺！如果可以，記得著對比色強烈嘅衣物，因為喺白色背景下，鮮艷嘅顏色會更突出，影出嚟嘅相都會更好睇！

https://www.instagram.com/p/B4xL3oYpF7Z/

呢個打卡熱點充滿藝術氣息，而且免費入場，真係好值得去。但記得呢度係校園區，影相嘅時候要保持安靜，盡量唔好影響到學生！

深圳大學
地址：后海大道與白石路交叉口東南50米

*以上資訊只供參考，如有任何變化或更改均以現場情況或商戶決定為準*