fbpx

【珠海好去處】橫琴創新方全球首座獅門影業電影主題樂園!進入《暮光之城》世界!家庭主題房Staycation一日遊!

5 月 12, 2023 | 中國, 玩樂

全球首座獅門影業電影主題樂園獅門娛樂天地,登陸咗橫琴創新方!室內空間佔地廣達 22,000 平方米,共有四層,以唔同電影主題分為六大專區!

擁有超過 30 項结合 VR、AR、3D 技術打造而成嘅先進遊樂設施,多媒體視覺效果更與榮獲奧斯卡最佳特效獎嘅英國Framestore合作製作,結合聲、光、電、霧效果高度還原真實感官。

獅門娛樂天地以六部風靡全球嘅電影作為場內設施嘅背景故事,包括《飢餓遊戲》、《吸血新世紀》(又譯:《暮光之城》)、《埃及神戰》、《分歧者》、《非常盗》同《逃亡大計》,致力喺旗下首座室內主題樂園呈現一流娛樂享受。




 暮光之城——午夜追逐

全球首創、榮獲國際大獎嘅多人互動 VR 電單車模擬器騎乘體驗,結合《吸血新世紀》故事講述人類貝拉與吸血鬼愛德華、狼人雅各布之間錯綜複雜嘅愛情故事。獅門娛樂天地喺場館4階還原了電影中嘅福克斯小鎮。賓客可以漫步喺街道上,感受美國古鎮嘅獨特韻味。電影中,吸血鬼與狼人族群相互敵對,而「暮光之城——午夜追逐」靈感來源於佢哋之間嘅衝突。「暮光之城——午夜追逐」是多人互動虛擬實境(VR)電單車模擬體驗,12 位人類勇士收到狼人邀請後,將一起騎上動感十足嘅電單車,與狼人並肩作戰,進入黑暗森林深處,追逐吸血鬼,將其趕出福克斯小鎮。

暮光之城——貝拉探秘

結合高清影片同聲、光、電、霧嘅多媒體暗黑騎乘體驗,喺「暮光之城——貝拉探秘」中,賓客將跟隨貝拉深入黑暗神秘森林,探尋吸血鬼主角嘅身世秘密。喺崎嶇叢林中躲避其家族嘅阻撓。賓客將坐上貝拉嘅紅色皮卡車穿梭於唔同場景,喺總長 116 米嘅軌道上體驗可以配合故事情節嘅360 度旋轉、前傾、變速、左右搖擺。

飢餓遊戲——極速追擊

進入「飢餓遊戲——極速追擊」,賓客將與電影主角一起見證隱藏於都城華麗表面之下嘅腐朽,躲避追擊、跟隨反抗軍一起殺出重圍,逃出都城,為自由而戰。「飢餓遊戲——極速追擊」配置多媒體動感模擬系統,模擬艙喺離地 4.5 米嘅高台上作六個不同方向嘅各種搖擺震動,係亞洲首個遊樂設施能讓賓客喺同一空間體驗中感受兩種截然不同嘅模擬駕駛冒險歷程。賓客戴上 3D 眼鏡,喺四分半鐘內通過模擬艙嘅不同震動效果,先坐上多功能戰車,再轉入懸停式戰機,經歷一場驚險刺激嘅旅程。

神戰:權力之眼 ——永恆之戰

全球首創以虛擬實境(VR)技術為本而設計嘅室內過山車,《埃及神戰》電影改編自古埃及神話,講述了一介凡人同落魄天神攜手拯救人、神、冥三界嘅一場歷險之旅。坐上「神戰:權力之眼——永恆之戰」,賓客視覺會回到古埃及神話嘅故事中,喺兩隻聖甲蟲嘅牽引下,穿越金字塔底,飛越神殿同沙丘,目睹天空之神同沙漠之神嘅史詩之戰,一同與火焰巨蟒鬥智鬥勇,逃脫巨蟒血盆大口。過山車運行時最快速度達到每秒 10 米,喺總長 358 米、縱深 20 米嘅垂直空間中,度過一段超過 2 分鐘嘅歷險。

分歧者——膽量 VR 體驗

「膽量 VR 體驗」係一個多人體驗大空間行走式虛擬實境互動系統,來源於電影中嘅無畏派訓練。賓客先穿戴上完整 VR 設備走入占地約 145 平方米嘅實景密室中。體驗行走式虛擬實境互動,遍佈全場嘅 71 個鏡頭能夠真實捕捉玩家嘅每一「幀」動態,並同步反映到虛擬媒體中,令玩家帶來亦幻亦真嘅科技體驗。遊走喺芝加哥舊城嘅危樓之間,同進入到暗黑密室中探索,最後喺危險重重嘅末日廢墟中找尋出路。喺有限時間內能逃脫出三重嘅考驗,成為真正的無畏派。

「金蟬脫殼——逃脫計畫」

喺呢個以電影為原型而設計嘅「超級監獄」,賓客將化身為超級股東,喺設計者嘅帶領下,一齊感受呢座您用重金所打造嘅「監獄」精密之處。喺刺激燒腦嘅密室逃脫場景體驗中,必須與隊友通力合作,尋找線索,先可以喺有限時間逃離密室。

 

獅門娛樂天地
地址:橫琴創新方 1-4 階
營業時間:11:00 – 19:00

更多詳情:https://www.facebook.com/LEWhengqin/

橫琴凱悅酒店擁有便利交通環境,毗鄰橫琴口岸,24小時可以通關澳門!乘坐免費穿梭巴士只需10幾分鐘車程就直到,由香港出發經港珠澳大橋都只係90分鐘車程。酒店係一站式休閑旅遊綜合體「創新方」嘅重要組成部分。擁有 493 間客房、6 家餐廳及酒吧。

酒店共有 493 間客房,包含 55 間套房,客房面積從 40-240 平方米不等。其中仲有家庭主題房。家庭主題房以「宇宙出發」及「動物世界」為主題,面積達 51 平方米,飽覽山景或創新方夜晚光影。配備豪華大床、獨立浴缸、雨淋式花灑及專為兒童準備嘅浴品 。更有趣味主題帳篷及床品等。

一家大細一齊去玩,順道過返個Staycation就最適合!

橫琴凱悅酒店
地址:橫琴創新方七色彩虹路 1295 號

更多詳情:https://www.facebook.com/hyattregencyhengqin/ 

Klook:

 
Trip.com:

*以上資訊只供參考,如有任何變化或更改均以現場情況或商戶決定為準*

Klook.com
X