位於神奈川縣藤澤市嘅江之島，被譽為東京嘅後花園，

距離市區只有約一個鐘頭嘅車程！

呢度有一座面向相模灣嘅水族館，天色好嘅時候更加可以眺望到富士山嘅景色～

由開館到而家，入場人次更加已經累積超過2,000萬！

水族館係一座樓高三層嘅建築物，

分別係地下兩層，以及地面一層，合共有14個展覽區域！

喺館內可以近距離接觸海豚、企鵝、小丑魚、金魚、水獺、海龜等眾多海洋生物～

其中水母夢幻廳就採用咗3D投影技術，

單純地凝望水​​母嘅生活型態，已經令人好療癒！

而另一個人氣區域相模灣大水槽亦唔可以錯過！

喺水槽內，有接近8,000條沙丁魚，畫面相當壯觀！

仲有機會觀賞到飼養員同魚兒嘅親密互動表演～

除此之外，海豚表演場同樣深受大人細路嘅喜愛！

戶外水池以富士山、江之島景色為背景，最多可以容納100位觀眾～

每日設有三場表演，每節20分鐘，

等觀眾可以欣賞到海豚嘅跳躍特技！

館內亦設有多間輕食店／餐廳，

以海洋生物為設計概念， 享用Awatan主題原創餐點～

食之前記得打卡呀！

新江之島水族館
地址：神奈川縣藤澤市片瀨海岸2-19-1
網站：www.enosui.com
交通：由小田急江ノ島線小田急江之島線「片瀨江之島站」步行3分鐘就到

*以上資訊只供參考，如有任何變化或更改均以現場情況或商戶決定為準*