所謂活到老學到老，
日本有位90歲嘅婆婆用2個月時間學識咗報紙拼貼，每日都完成好幾幅畫，孫仔就幫佢開設Twitter 帳號 (@setsu0107) 上載婆婆嘅作品~

拼貼嘅步驟就係先起稿畫咗想整咩圖案先，再係報紙到搵相應色彩嘅部份剪落嚟，利用創意拼貼成預先諗好嘅圖案！

呢隻貓咪係婆婆以屋企貓咪為藍圖拼貼而成~

章魚燒嘅配料有好多顏色，仲整埋漸變色，好有難度！

孫女表示婆婆一開始咗整就會坐足6個鐘，超專心，


不過原來婆婆之所以會開始咗拼貼，係因為老公上年11月過身，於是呀女就推薦佢去玩拼貼，廢事佢自己一個太孤單難過，估唔到就咁樣開啟咗婆婆嘅小宇宙~

小編好佩服呢位婆婆嘅恆心，希望將來自己都可以搵到一門技術認真學下！

*以上資訊只供參考，如有任何變化或更改均以現場情況或商戶決定為準*