我哋嘅日常生活充滿各種按鈕，好似電梯嘅開關，唔少人都有種癮，你有種按落去嘅衝動？如果你都有嘅話，就一定要嚟呢度玩！

東京一間專門製作電梯按鈕嘅「島田電機製作所」設有讓公眾參觀工場嘅活動，其中一面擁有1000個按鈕嘅牆最近成為熱門話題，差不多有成20萬個like！

嚟參觀有兩種玩法，包括仔細認識按鈕製作方法嘅「認真學習模式」，亦有可以任玩1000個按鈕嘅「瘋狂撳掣模式」。無論揀邊個玩法都可以參觀有1000多個按鈕嘅牆，但後者特別受小朋友歡迎！

平時家長都會叫小朋友唔好亂按電梯之類嘅按鈕，但呢到就可以隨意任按！

大人也不妨試試1分鐘撳掣challenge，睇吓喺60秒內可以按完幾多個掣！仲有另一個challenge是要喺1000個按鈕入面搵出16個有工場吉祥物嘅按鈕，都唔容易㗎！

其實工場喺2018年開始就有舉行參觀活動，為咗讓公眾認識按鈕製作過程嘅有趣之處，最近因為喺Twitter上爆紅而有更多人知道。預約已經排到2022年的6月！希望日後有機會可以去玩玩！

島田電機製作所
東京都八王子市大和田町3-11-1

*以上資訊只供參考，如有任何變化或更改均以現場情況或商戶決定為準*