有好多唔同特別主題嘅咖啡廳，好似女僕咖啡廳定係貓咪咖啡廳等等，呢啲CAFE往往都令人有悠閒、放鬆嘅感覺。不過，東京高圓寺新開嘅CAFE就唔係咁簡單，唔單止唔供應餐點，仲充滿超認真嘅氣氛，應該係世界第一間「趕稿咖啡廳」。

為咗保持緊張嘅氣氛，呢度限制咗入場資格必須係正在趕工嘅人，仲有貼心服務，令你絕對能完成目標工作。

店裡面有住五條規則：
1. 進店時就要寫低幾點之前要完成幾多嘅工作。
2. 店長每小時都會嚟關心你嘅進度。
3. 未寫完唔准走。
4. 店內工作時唔會強制戴口罩。
5. 店內可以使用充電器同手提電腦散熱板等物件。

使用者可以選擇店長嘅提醒程度係「溫柔、普通，定係嚴厲」，仲係未寫完唔准走！

呢度收費係半小時150日圓，唔算太貴，但係如果你寫到要關門都係未達成進度？店係會繼續為你而開，價錢就緊係唔只咁多啦。

營業時間結束後，第1個鐘嘅收費係1000日圓，第2個鐘係1500日圓，之後就係每個鐘累加500日圓上去，11點到凌晨5點嘅價錢固定為每小時3000日圓。

店內提供嘅服務就係咁特殊咁協助你趕工，所以冇嘢食賣，但當然，因為咁店主都歡迎大家出去食飯、或者直接叫外賣食。

*以上資訊只供參考，如有任何變化或更改均以現場情況或商戶決定為準*