達文西大型壁畫《最後的晚餐》，係人人都聽過嘅經典，唔少藝術創作嘅參考同二創對象。

日本一位網路編輯たかや，就用「麥當勞包裝紙」重現名畫。

今年3月，日本麥當勞調高售價。而たかや亦喺加價前，去食咗一次「最後的晚餐」。剛剛睇咗美術展覽嘅佢，忽然有咗想要喺世上留下作品嘅念頭。於是萌生咗用麥當勞包裝製作《最後的晚餐》嘅念頭。

たかや將食唔完嘅漢堡冷凍保存，仲用顏色分門別類包裝紙、做成表格。清理乾淨包裝之後，就開始製作！

製作拼貼畫所花嘅時間比佢諗嘅耐，雖然只係撕走抗油膜，再撕成小塊素材再黏貼就能完成，但由於需要考慮嘅細節非常多，一個門徒就要花接近10小時完成。

喺眾多包裝紙中，たかや覺得最有用嘅就係麥香雞嘅包裝紙。日本麥香雞包裝紙顏色相當簡單，漸層濃淡又適合當作描邊部分，顏色更係同膚色接近。

*以上資訊只供參考，如有任何變化或更改均以現場情況或商戶決定為準*