喺疫情之下，唔少人都選擇走向大自然，呼吸新鮮空氣！

日本戶外品牌 Snow Peak 除咗推出一系列露營用品同埋打造 Glamping 營地之外，

最近仲同日本建築大師隈研吾合作，

喺新潟縣三条市嘅總部旁邊，打造全新大型温泉酒店—Field Suite SPA 空間！

貫徹品牌風格，酒店採用多種天然材料作為素材，

如木材、泥磚同石板等～

Field Suite SPA 設有餐廳、浴室同露營區域～

而呢啲設施都係集中喺天然温泉附近㗎！

你又有冇諗過嘆著温泉，

都可以眺望到日本名山之一「粟ヶ岳」嘅四季景色呢？

而酒店外觀亦好值得欣賞～

天花內外亦被大約過萬支嘅木頭所包圍，相當壯觀！

而且仲呈現與自然融為一體嘅感覺！

Snow Peak 執行長山井梨沙亦曾經表示：「希望客人通過體驗大自然嘅温暖天然温泉，

讓回顧日常生活嘅時候，都可以見到生活係以自然為基礎，

希望大自然可以帶畀大家一個回憶嘅機會。」

唔知你又感唔感受到呢？

而喺房間方面，天花板一樣佈滿木頭！

落地玻璃引入自然光，亦有樹木群山環繞～

如果幸運嘅話，更加有機會見到小動物經過㗎！

至於室內浴場同桑拿，同樣採用特大嘅落地玻璃，

等你可以一邊享受天然温暖嘅天然泉水之餘，

亦可以欣賞到美麗嘅雪山景色！

INFO.
地址：新潟縣三條市中野原456-1

來源：隈研吾事務所

*以上資訊只供參考，如有任何變化或更改均以現場情況或商戶決定為準*