日本京都係香港人熱門嘅旅遊景點之一

當地神社眾多，每間都別具特式，吸引咗唔少旅客慕名而來

當中位於京都左京區八瀨，以貓咪為主題嘅寺廟型主題樂園「貓貓寺」就係其中一個人氣景點

「貓貓寺」前身係一間由家庭經營嘅喫茶店，經過2011年日本東北大地震後，

身為貓奴嘅他們決心「要像貓咪一樣自由地生活」

於是將古老民宅改建成貓咪主題嘅「招喜猫宗総本山猫猫寺」，等更多愛貓人士前往

當中最吸引貓奴前往嘅就係呢度嘅喵星人住持！

喺IG擁有超高人氣嘅貓主持小雪係第三代主持，擁有白色毛髮嘅小雪經常在IG大曬日常照

小雪喺「工作」時一臉認真嘅神情非常可愛，俘虜咗一眾貓奴！

寺內共飼養咗七隻貓咪，各位貓奴可以去一睹各位喵星人風采

除此之外，店內嘅咖啡廳亦有好多貓咪造型嘅餐點，

每款都十分精緻，貓奴們千萬不要錯過！

「招喜猫宗総本山 猫猫寺」
地址﹕京都市左京區八瀬近衛町520

圖片來源﹕nekojizo@Instagram

*以上資訊只供參考，如有任何變化或更改均以現場情況或商戶決定為準*