香港冇人唔識嘅譚仔三哥米線，將喺3月31日正式登陸日本！

譚仔三哥米線日本1號店將於新宿開幕，2號店會喺4月14日於吉祥寺開幕、3號店會喺4月21日於惠比壽開幕。

日本店沿用香港嘅店舖風格作裝修，以瓷磚同霓虹燈營造港式氣氛，又有各種廣東話如「凍檸茶少甜」、「三哥見」等文字做裝飾！

日本嘅Menu同香港大同小異，有6種湯底選擇，包括麻辣、番茄湯、清湯、煳辣、酸辣、三哥酸辣。亦有10種辣度選擇！

配料方面有25種，部分由香港直送。

小食都有土匪雞翼、蒜泥白肉、涼拌皮蛋等11款。

日本店仲有日本限定原創小食「原個黑醋番茄」同「芥末菠菜」，香港冇㗎！

價錢方面當然香港比較平，日本定價冇加得太多，清湯米線加1款食材都係大約$42.8，香港賣緊$33

譚仔三哥米線的新宿中央通店
東京都新宿區新宿3-28-16 1F /2F

*以上資訊只供參考，如有任何變化或更改均以現場情況或商戶決定為準*