《多啦A夢》絕對係世界知名嘅經典作品，人人都知藍藍嘅機器貓。多啦A夢原本其實都有貓耳朵，仲係隻黃色嘅機器貓。只係瞓覺時被老鼠咬甩，又因為飲錯藥劑喊到身上顏色都甩哂。

但如果多啦A夢圓潤外型配寫實風格貓臉又見過未呢？

日本羊毛氈藝術家Hinali，就做咗呢個奇妙配撘，手工精細，仲連「多啦美冇鬍鬚」嘅小細節都不忘重現。

多啦A夢同多啦美都加上咗唔同樣貌嘅五官，多啦美嘅眼神超銳利。

Hinali專精於製作貓咪羊毛氈，作品極為擬真。仲有幫唔同嘅主人製作貓貓羊毛氈

*以上資訊只供參考，如有任何變化或更改均以現場情況或商戶決定為準*