fbpx

【日本】熊貓波波屋住宿體驗 兼享受無光害星空!

4 月 8, 2021 | 日本, 玩樂

☉ 瀏覽次數 : 458

出外旅遊除咗到訪一啲自己未到過嘅景點或者品嚐地道佳餚之外,其實有冇諗過,喺住方面都可以好不一樣!日本白濱度假村 (Tore Tore Village) ,裡面有一個熊貓村 (Panda Village) ,你又住過呢度嘅主題房間未呢?

熊貓村距離大阪市區大約三個鐘頭車程,自開幕以嚟已經相當受歡迎!呢度設有25棟唔同造型特色嘅熊貓波波屋,連房間用品都有熊貓造型圖案,係咪好得意呢?而考慮到唔同客人嘅需要,呢度仲分別提供和式榻榻米同埋洋式高床兩款房間。

除咗基本娛樂設備,漫長嘅夜晚仲有咩可以做?就係欣賞呢一片無光害星空,呢種生活真係好寫意啊!




喺白濱冒險世界 (Adventure World) 其實仲可以睇到3個月大嘅熊貓BB「結浜」!旁邊亦有魚市場、釣魚場、西日本最大嘅溫泉設施「とれとれの湯」,所以唔洗擔心會悶啊~有興趣嘅話,你都嚟住返一晚啦!

熊貓村 (Panda Village)
地址:和歌山県西牟婁郡白浜町堅田2498-1

*以上資訊只供參考,如有任何變化或更改均以現場情況或商戶決定為準*

Klook.com
X