東京迪士尼反斗奇兵酒店，喺4月5日開幕啦！

東京迪士尼反斗奇兵酒店係全球第二間以Pixar電影 「反斗奇兵」為主題嘅酒店，以繽紛色彩同童趣為酒店主題，配合電影中出現過嘅一系列玩具，令人好似進入了電影世界一樣，以第一身去感受反斗奇兵嘅故事。

未踏入酒店大堂，入口廣場已經非常吸引，廣場以七彩繽紛嘅棋盤為設計，廣場中間擺放咗好多放大嘅巨型玩具同反斗奇兵角色嘅雕塑。

至於酒店大堂同樣充滿驚喜，用咗好多玩具嘅元素，例如巨型顏色筆、遙控賽車、積木同文具等等。

客房部分，則還原出主角Andy嘅房間！成個房間嘅還原度超高，藍天白雲牆紙，窗邊白底黃星星嘅窗簾，天花板裝有星星形狀嘅燈，書桌上就放置咗Pixar logo嘅枱燈。

牆上亦有一眾反斗奇兵角色嘅海報或貼紙，抱抱龍Rex、火腿Hamm、胡迪Woody定巴斯光年都有份，大家可以化身成主角Andy，同一眾角色共度假期，純白色嘅浴室牆上仲有橡膠玩具企鵝Wheezy嘅身影！

東京迪士尼反斗奇兵酒店
〒279-0031 千葉県浦安市舞浜１−6
https://bit.ly/3Lvgmf6

*以上資訊只供參考，如有任何變化或更改均以現場情況或商戶決定為準*