fbpx

【日本】期間限定!大阪環球影城 X 動漫《咒術迴戰》主題景點逐個捉!

1 月 6, 2023 | 日本, 玩樂

☉ 瀏覽次數 : 310

最近大阪環球影城聯同動漫《咒術迴戰》,

推出期間限定主題活動同設施,一於同你逐個睇!

呢個咒術迴戰 The Real 4D設施係以咒術高專大阪分校為序幕,

喺長達20分鐘嘅過程,你可以同虎杖悠仁、伏黑惠、釘崎野薔薇、東堂葵、五條悟聯手阻止咒靈!




設施仲加入3D特殊影像、震動同埋飛濺水花效果,

仲可以近距離見到咒術師使用嘅「咒式」、虎杖悠仁嘅「黑閃」等㗎,務求製造近乎真實嘅體驗!

而4D劇院外面仲可以買返本咒靈討伐任務集會

喺有限嘅時間內,需要依照地圖上嘅指示,

協助虎杖悠仁、伏黑惠、釘崎野薔薇一同完成任務,

目標就係要成功拔除園區內出現嘅咒靈!

園內嘅熱門設施「好萊塢美夢乘車遊」亦聯同《咒術迴戰》,

喺大家享受雲霄飛車嘅刺激快感同時,

配上第一季嘅主題曲——歌手Eve嘅「廻廻奇譚」!

今次園區內嘅餐廳「Saido」,

亦打造成都立咒術高専食堂,多款餐點任你揀!

環球影城仲用咗蠟像人型再造技術「Clone-oid」,

由皮膚、血管、細微嘅毛孔、頭髮都按照 1:1 還原!

就好似將五條老師真實呈現出嚟咁!

園區內仲有其他主題美食,一樣唔可以錯過㗎!

呢款伏黑嘅黑白玉犬狀饅頭,係咪好可愛呢?

仲有七海建人嘅三文治套餐!

唔止㗎~去主題樂園又點少得爆谷呢?

呢款爆谷筒重現最強咒術師五條悟嘅「無下限術式」~

連飲品杯都唔放過~

亦以虎杖「執行死刑嘅房間」為設計造型!

作為咒術粉絲,一定好想收藏!

講起收藏,《咒術迴戰》嘅周邊商品亦唔可以錯過!

黑白玉犬頭套、角色造型髮箍、咒術高專制服、角色公仔等,

睇見都心動!好想買哂返屋企呀!

INFO.

地址:大阪府大阪市此花區櫻島二丁目1番33號(大阪環球影城)

期間限定:
即日起至2023年7月2日(都立咒術高専食堂)
即日起至2023年7月2日(咒術迴戰 The Real 4D、好萊塢美夢乘車遊~廻廻奇譚~)
*實際開放日期請瀏覽官網

營業時間:早上9:00至晚上8:00

Source:ユニバーサル・スタジオ・ジャパン、呪術廻戦

*以上資訊只供參考,如有任何變化或更改均以現場情況或商戶決定為準*

Klook.com
X