創立於江戶時代嘅伊藤久右衛門，一直以銷售高品質嘅宇治茶而聞名，係去京都宇治一帶必買嘅手信。2014年推出過抹茶咖哩包，創意又濃厚嘅味道，被日本各大媒體大肆報導，亦成為伊藤久右衛門嘅常備產品之一。8年之後，伊藤久右衛門又推出宇治茶咖哩嘅第二彈「宇治烘焙茶咖哩」。

伊藤久右衛門今次推出嘅宇治烘焙茶咖哩，開發時為咗要令焙茶風味同咖哩獨有嘅香辛味融合，特別使用比平常更深焙嘅宇治焙茶。唔只能夠食到咖哩嘅味道，一入口焙茶嘅獨特香味亦跟著擴散。雖然係咖喱方便包但都食到雞肉與蔬菜碎，微辣嘅辣度令風味更有層次。

為咗慶祝宇治烘焙茶咖哩新上市，伊藤久右衛門特別喺JR宇治站前店推出期間限定嘅抹茶焙茶雙色咖哩飯。由2022年4月19日開始每日限量供應。

宇治焙茶咖哩包喺伊藤久右衛門嘅宇治本店、JR宇治站前店、祇園四条店、平等院店、京都站前店都買得到，4月中開始亦可以喺官方網店買到雙色咖哩調理包組合

無論係視覺充滿衝擊嘅宇治抹茶咖哩，定係睇起嚟就係咖哩但食起嚟有焙茶風味丨フ一宇治烘焙茶咖哩，都好想實際吃吃看是什麼味道。不管是買回家自己享用或是送給身邊喜歡宇治茶的朋友當作伴手禮也非常適合呢！

宇治ほうじ茶キーマカレー ／宇治烘焙茶咖哩
售價：500 日圓
網址 : itohkyuemon.net/hojicurry

*以上資訊只供參考，如有任何變化或更改均以現場情況或商戶決定為準*