接近年尾，終於感覺到少少寒意！

準備可以拎禦寒衣物嘅同時，又點可以少得佢？

日本生活品牌專門店 THANKO 最近有新產品，就係呢款暖爐被！

今次諗到將爐桌嘅概念，延伸成一人款嘅暖爐被~

使用時，將雙腳好似睡袋咁放入，

令被子完全覆蓋身軀！

產品設計師亦好細心，

考慮到用家活動嘅需要，手腳位置都可以伸出嚟㗎！

仲可以調整位置，男女都適合著！

外層被套亦可以拆出嚟清洗，

方便定期清潔之餘，又易於收納！

而暖爐被採用充電式分段加熱，

配上定時功能，

就算瞓著咗都唔驚出現安全問題！

值得一提，成張暖爐被嘅重量只有大約600克，相當輕便！

咁穿上身都唔會覺得好累贅啦！

着心地ふんわり歩けるこたつ「こたんぽ」
售價 : 12,800 日圓

來源：THANKO 官網

*以上資訊只供參考，如有任何變化或更改均以現場情況或商戶決定為準*